كەسەنە – ايشا ءبيبىنىڭ كۇتۋشىسى بولعان ادامعا تۇرعىزىلعان. كەسەنە ءوزىنىڭ كومپوزيتسياسى مەن قۇرىلىمى جاعىنان وتە قاراپايىم دا قاتاڭ. قۇرىلىس كۇيدىرىلگەن كىرپىشتەن سالىنعان. قابىرعالارىندا ساندىك بەزەندىرۋلەر جوق، بىراق ساۋلەتتىك قۇرىلىستىڭ جيناقى ءارى قاراپايىم ويۋ-ورنەكتەرى ۇيلەسىم تاپقان.
كەسەنەنىڭ كوركەمدىك پەن سىمباتتىلىق بەرەتىن پريزمالىق بارابانعا ورنالاسقان 16 قىرلى كونۋس جابىنى - قازاقستان كۇمبەزدەرىنىڭ ىشىندەگى ەڭ ەرەكشەسى. قاسبەتىندە: «بۇل بابادجا حاتۋن قابىرى... ونى سالۋشى» دەگەن جازۋلار بولىگى ساقتالعان. كەسەنەنى سوققان شەبەردىڭ اتى-ءجونى ساقتالماعان.
اڭىز بويىنشا، كەسەنە ايشا ارۋدىڭ كۇتۋشىسى بولعان، كەيىننەن ءبيبىسى ومىردەن وتكەن سوڭ جاس قابىردىڭ ءومىر بويعى شىراقشىسى مىندەتىن اتقارعان پارىز ادامى - بابادجا حاتۋننىڭ جەر بەسىگى ۇستىنە ورناتىلعان.
“رۋحاني جاڭعىرۋ” باعدارلاماسى اياسىندا
جامبىل وبىلسى اكىمدىگىنىڭ مادەنيەت،
ارحيۆتەر جانە قۇجاتتاما باسقارماسى مەن
“ادىرنا”ۇلتتىق پورتالىنىڭ بىرلەسكەن جوباسى
