قىرعىزستانداعى بەس ساياسي پارتيانىڭ وكىلدەرى جەكسەنبى كۇنى رەسپۋبليكادا وتكەن ۇلتتىق پارلامەنت دەپۋتاتتارى سايلاۋىنىڭ ناتيجەسىن مويىنداۋدان باس تارتتى، دەپ حابارلايدى "ادىرنا" ۇلتتىق پورتالى.
- ءبىز بۇل سايلاۋدىڭ ناتيجەلەرىن مويىندامايمىز، ولاردى جارامسىز دەپ تانىپ، جاڭادان داۋىس بەرۋدى تالاپ ەتەمىز»، - دەلىنگەن ولاردىڭ 29 قاراشادا تاراتقان بىرلەسكەن مالىمدەمەسىندە.
ساياساتكەرلەر سونىمەن قاتار ناتيجەلەر جالعان دەپ سانايدى. مۇنداي مالىمدەمەنى "ۇلۋتتار بيريمديگي", "رەفورما", "اتا-مەكەن", "ازاتتىق" پارتيالارىنىڭ وكىلدەرى مەن سوتسيال-دەموكراتتار پارتياسىنىڭ وكىلدەرى جاسادى.
28 قاراشادا قىرعىستان رەسپۋبليكاسى ورتالىق سايلاۋ كوميسسياسىنىڭ سايتىندا سايلاۋ ۋچاسكەلەرىنەن ەلەكتروندى داۋىس بەرۋ جاشىكتەرىنەن الىنعان اقپاراتتى وڭدەۋ كەزىندە جۇيەدە اقاۋ ورىن الدى. ناتيجەسىندە سايت ءبىراز ۋاقىت قولجەتىمسىز بولدى. جۇمىسى قايتا باستالعاننان كەيىن وندا الدىڭعى نۇسقادان ەرەكشەلەنەتىن اقپارات پايدا بولدى. ورتالىق سايلاۋ كوميسسياسىنىڭ باسشىسى نۇرجان شىلدابەكوۆا تۇسىندىرگەندەي، سايتتاعى ماسەلەلەر باعدارلامالىق قامتاماسىز ەتۋدەگى قاتەلەرگە بايلانىستى بولدى، ولار جويىلدى.
جەتىنشى شاقىرىلعان جوگوركۋ كەنەشتىڭ (جوعارعى كەڭەستىڭ) دەپۋتاتتارى ارالاس جۇيە بويىنشا — 54 پارتيالىق ءتىزىم بويىنشا، 36 — ءبىر مانداتتى وكرۋگتەر بويىنشا سايلاندى. ءبىر مانداتتى وكرۋگتەر بويىنشا جوعارى زاڭ شىعارۋشى ورگانداعى ورىندارعا 21 ساياسي پارتيا مەن 300-گە جۋىق كانديدات قاتىستى. جالپى العاندا قىرعىز پارلامەنتىندە 90 ورىنعا 1,3 مىڭ ادام ۇمىتكەر بولىپ وتىر. الدىن الا مالىمەتتەر بويىنشا، پارلامەنت قۇرامىنا التى پارتيا — «اتا-جۋرت كىرگىزستان»، «يشەنيم»، «ىنتىماك»، «ىيمان نۋرۋ»، «اليانس» جانە «بۋتۋن كىرگىزستان وتەدى.
ەستەرىڭىزگە سالا كەتەيىك، 2020 جىلدىڭ كۇزىندە وتكەن پارلامەنتتىك سايلاۋدى ورتالىق سايلاۋ كوميسسياسى سايلاۋ زاڭناماسىنىڭ كوپتەگەن بۇزۋشىلىقتارىنا بايلانىستى جارامسىز دەپ تانىدى. ولاردىڭ قورىتىندىلاۋ جاپپاي شەرۋلەرمەن جانە ەلدەگى پرەزيدەنت پەن ۇكىمەتتىڭ اۋىسۋىمەن اياقتالدى.
"ادىرنا" ۇلتتىق پورتالى
