«قاراكەمەر» بالالار تەاترىندا «الداركوسەنىڭ سيقىرلى ءدۇربىسى» مينيسپەكتاكلى قويىلدى

1546

...اقىلدى بالاقايلاردىڭ زارەسىن العان الىپ ديۋمەن ايقاسۋعا بەل بۋعان الداركوسە ءابجىل «ورمەكشى ادام» مەن جۇيرىك ماككۋين جانە مازاسىز ماشا قىزبەن كۇش بىرىكتىرۋى مۇمكىن بە؟ ابدەن مۇمكىن ەكەن...

اكەلەر وقىعان ەرتەگى كەيىپكەرى مەن بالالار تانىمىنداعى كوميكس بەينەلەردىڭ باسىن قوساتىن ساحنالىق قويىلىمنان كەيىن كىشكەنتاي كورەرمەندەر وسىنداي وي تۇيەتىنى انىق. ءبىز ءسوز ەتىپ وتىرعان ساحنالىق سيۋجەت م.الىبەكتىڭ «الداركوسەنىڭ سيقىرلى ءدۇربىسى» اتتى ەرتەگىسىنىڭ جەلىسىمەن قويىلعان مينيسپەكتاكلدە كورىنىس تاپقان. ءارى بۇل ەرتەگىنىڭ الىستاعى اۋىلدىڭ شاعىن تەاترىندا قويىلۋىنىڭ ءوزى ءبىر قىزىق ەمەس پە؟ ەڭبەكشىقازاق اۋدانىنداعى قاراكەمەر اۋىلىنداعى بالالار تەاترى كەلۋشىلەرىنە كوتەرىڭكى كوڭىل كۇي سىيلاپ، ساحنا كوركىن كەلتىرىپ وتىر وسىلايشا. «قاراكەمەر» بالالار تەاترىنىڭ جەتەكشىسى جار­قىن باراقباەۆ ساحنالاعان ەرتەگى العاش جاڭا جىل­دىڭ قارساڭىندا قويىلعان ەدى. كىشكەنتاي كو­رەرمەن كوپ جينالدى. تەاتر ۇجىمى قازىر كورشى اۋىل­دىڭ تۇرعىندارىنان ءوتىنىش ءتۇسىپ، ەرتەگىنى تا­ما­شالاۋعا نيەتتى بالالاردىڭ قاتارى كوبەي­گەن­دىكتەن قويىلىمدى قايتالاپ كورسەتۋگە كىرىستى. 2015 جىلى وبلىس اكىمىنىڭ قولداۋىمەن اشىلعان «قاراكەمەر» بالالار تەاترى اۋدانعا عانا ەمەس، ايماققا بەلگىلى ونەر ۇجىمى. «جۇرت ءدان ريزا، اسىرەسە بالالاردىڭ قۋانىشىن كورسەڭىز... باستاپقىدا بەلگىلى ونەر مايتالمانى اسقار نايمانتاەۆتىڭ ۇستازدىق ەتۋىمەن ءبىر توپ تالاپتى بالالاردىڭ باسىن قوسىپ تەاتر قۇردىق. وبلىس اكىمى قۋانا قولدادى. قازىر كاسىبي ۇجىمعا اينالدىق. جاس رەجيسسەر جارقىن باراقباەۆتىڭ جەتەكشىلىگىمەن تەاتر رەپەرتۋارى تولىقتى»، دەيدى قاراكەمەر اۋىلدىق مادەنيەت ءۇيىنىڭ ديرەكتورى ارايلىم مامىربەكقىزى.


قالماحانبەت مۇقامەتقالي،

«ەگەمەن قازاقستان» الماتى وبلىسى

پىكىرلەر
رەداكتسيا تاڭداۋى