25-26 قاراشادا پرەزيدەنت قاسىم-جومارت توقاەۆ بەلگياعا رەسمي ساپارمەن بارادى. بۇل تۋرالى مەملەكەت باسشىسىنىڭ ءباسپاسوز حاتشىسى بەرىك ءۋالي Facebook-پاراقشاسىندا مالىمدەدى، دەپ حابارلايدى "ادىرنا" ۇلتتىق پورتالى.
"مەملەكەت باسشىسى بريۋسسەلدە بەلگيانىڭ جانە ەۋروپالىق وداقتىڭ باسشىلىعىمەن كەلىسسوزدەر جۇرگىزەدى، سونداي-اق ەۋروپالىق ءىرى كومپانيالاردىڭ جەتەكشىلەرىمەن بىرقاتار كەزدەسۋ وتكىزەدى دەپ جوسپارلانعان", - دەپ جازدى بەرىك ءۋالي.
ايتا كەتۋ كەرەك، بيىل تامىز ايىندا قازاقستان پرەزيدەنتى نۇر-سۇلتاندا ەۋروپالىق وداقتىڭ ورتالىق ازيا بويىنشا ارنايى وكىلى تەري حاكالانى قابىلدادى. ول قاسىم-جومارت توقاەۆقا ەۋروپالىق كەڭەس توراعاسى شارل ميشەلدىڭ قازاقستان باسشىسىن جىل سوڭىنا دەيىن بريۋسسەلگە ىسساپارمەن كەلۋگە شاقىرۋىن راستاعان جولداۋىن جەتكىزدى.
"ادىرنا" ۇلتتىق پورتالى.
