25-26 qarashada Prezıdent Qasym-Jomart Toqaev Belgııaǵa resmı saparmen barady. Bul týraly Memleket basshysynyń baspasóz hatshysy Berik Ýálı Facebook-paraqshasynda málimdedi, dep habarlaıdy "Adyrna" ulttyq portaly.
"Memleket basshysy Brıýsselde Belgııanyń jáne Eýropalyq Odaqtyń basshylyǵymen kelissózder júrgizedi, sondaı-aq eýropalyq iri kompanııalardyń jetekshilerimen birqatar kezdesý ótkizedi dep josparlanǵan", - dep jazdy Berik Ýálı.
Aıta ketý kerek, bıyl tamyz aıynda Qazaqstan Prezıdenti Nur-Sultanda Eýropalyq Odaqtyń Ortalyq Azııa boıynsha arnaıy ókili Terı Hakalany qabyldady. Ol Qasym-Jomart Toqaevqa Eýropalyq Keńes tóraǵasy Sharl Mısheldiń Qazaqstan basshysyn jyl sońyna deıin Brıýsselge issaparmen kelýge shaqyrýyn rastaǵan joldaýyn jetkizdi.
"Adyrna" ulttyq portaly.
