ابزال قۇسپان: بىزدەگى ساياساتتا، بيلىكتىڭ ساياساتىندا ەشقانداي پرينتسيپ جوق!

632
«ناس پوگۋبيات — پوليتيكا بەز پرينتسيپوۆ، ۋدوۆولستۆيا بەز سوۆەستي، بوگاتستۆو بەز رابوتى، زنانيە بەز حاراكتەرا، بيزنەس بەز مورالي، ناۋكا بەز چەلوۆەچنوستي ي موليتۆا بەز جەرتۆى».
م.گاندي
بىزدەگى ساياساتتا، بيلىكتىڭ ساياساتىندا ەشقانداي پرينتسيپ جوق! كەشەگى انا مەن بالالاردىڭ ءولىمىن الىپ قارايىق. وسى ەلدى باسقارىپ وتىرعان (باسقارىپ وتىر دەپ ەسەپتەلەتىن) پرەزيدەنتتەن باستاپ، ءبىر بيلىك وكىلى ءوزىن سول جاعدايعا كىنالىمىن دەپ ەسەپتەي مە؟ جوق!
ولار قاراپايىم ادامداردىڭ تراگەدياسىنا باستارىن قاتىرمايدى دا، اسىرەسە ءوز ۇلتىنىڭ.
رەسمي ستاتيستيكا بويىنشا سۋيتسيدتەن الەم بويىنشا 3-ءشى ورىندامىز، بۇل ددسۇ (ۆوز) مالىمەتى. بۇل جانە ءبىر ەمەس، بىرنەشە جىلدان بەرگى جاعداي!
بىراق، ءسىز وسى كەزگە دەيىن مەملەكەت باسشىسى دەمەي-اق قويايىن، ەڭ قۇرىعاندا الەۋمەتتىك سالاعا جاۋاپتى ءمينيستردىڭ وسىعان باس قاتىرىپ، ەل-جۇرتپەن اقىلداسقان ءساتىن كوردىڭىز بە؟
مەن كورگەم جوق. ەسەسىنە سۋيتسيدكە قارسى كۇرەس دەگەن جەلەۋمەن جىل سايىن ميلليونداعان تەڭگەنىڭ تەندەرلەرىن قاتارىنان جەڭىپ الا بەرەتىن “فيرمالاردى” بىلەمىن...
كونستيتۋتسيامىزدىڭ 1-بابىندا جازىلعان “قازاقستان رەسپۋبليكاسى ءوزىن دەموكراتيالىق، زايىرلى، قۇقىقتىق جانە الەۋمەتتىك مەملەكەت رەتىندە ورنىقتىرادى، ونىڭ ەڭ قىمبات قازىناسى - ادام جانە ادامنىڭ ءومىرى، قۇقىقتارى مەن بوستاندىقتارى”-دەگەن سوزدەرگە يلاناتىن ادام ءالى دە بار ما، ارامىزدا؟.
قازىر ءبىزدىڭ بارلىق دەڭگەيدەگى شەنەۋنىكتەرىمىز كەلە جاتقان 1-ءشى جەلتوقسان - “تۇڭعىش ەلباسى كۇنىنە”، ودان كەيىن “تيپا تاۋەلسىزدىكتىڭ 30 جىلدىعىنا” قىزۋ دايىندىق ۇستىندە. كىم قانداي سىي-سىياپات الار ەكەن، كىمگە قانداي مەدال، ال كىمگە وردەن بۇيىرار ەكەن؟!
شەنەۋنىكتەر اراسىنداعى قازىرگى اڭگىمە وسى، ول جەردە ءۇش سابيىمەن بىرگە ءولىم قۇشقان جاس اناعا ورىن جوق!
بىراق، ولارعا رەنجىپ قايتەمىز؟ كۇنى ەرتەڭ وسى جەردە وتىرعان وزىمىزدە سول قۇتتىقتاۋلار مەن ودالارعا قوسىلىپ كەتە بەرەتىنىمىز انىق قوي…
پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket