شىمكەنتتە ادۆوكاتتار ازاماتnارعا تەگىن كەڭەس بەردى. اشىق ەسىك كۇنى 30 تامىز اتا زاڭىنىڭ قابىلدانعان كۇنىنە وراي ۇيىمداستىرىلىپ وتىر. كەلۋشىلەر زاڭعا قاتىستى كەز-كەلگەن سۇراقتارىنا جاۋاپ الا الدى.
زاڭگەرلەر ولاردان كومەك سۇرايتىنداردىڭ ماسەلەسىنىڭ كوبى بەرگەن قارىزى مەن اليمەنتتى الا الماۋعا بايلانىستى ەكەن. ايتا كەتەيىك، ادۆوكاتتار تەك بۇگىن ەمەس، اپتانىڭ ءار سارسەنبىسىندە تۇرعىندارعا تەگىن زاڭگەرلىك كەڭەس بەرۋدى ادەتكە اينالدىرعان.
شىمكەنتتە قالالىق ادۆوكاتتار القاسىندا اشىق ەسىك كۇنى ءوتتى. مۇندا ازاماتتار كەز-كەلگەن سۇراقتارى بويىنشا ادۆوكاتتاردان تەگىن كەڭەس الا الدى. زاڭ ماماندارىنا كوبىنە بەرەشەگىن الا الماي جۇرگەندەر مەن اليمەنت ماسەلەسىمەن جۇگىنەدى ەكەن. بۇگىنگى وتكەن اشىق ەسىك كۇنى تۋرالى الدىن الا حابارلاندىرۋ بەردىك دەيدى ۇيىمداستىرۋشىلار.
قانجىگىت تۇلكىباەۆ، كەڭەس الۋشى: «ەستىپ كوردىم ەسىكتىڭ الدىندا حابارلاما جازىلىپ تۇر ەكەن. ادۆوكاتتار القاسى تەگىن كەڭەس بەرەدى دەگەندى كورىپ، بۇگىن كەلىپ وتىرمىن. ءبىر كىسىدەن قارىز اقشا الا الماي ءجۇرمىن. سوت ورىنداۋشىلاردىڭ كۇشى كەلمەي جاتىر. مەن ارى قاراي نە ىستەيمىن، قالاي قارىزىمدى وندىرەمىن دەگەن ماسەلەمەن كەلدىم. بۇل كىسى كومەگىن بەرىپ جاتىر. كەڭەسىنە قاناعاتتاندىم، جاقسى وتە دۇرىس. وسىنداي كەڭەستەر كوپ بولسا، ماسەلەسىن شەشە الماي جۇرگەن حالىق كوپ. وسى كىسىلەردىڭ جاردەمى تيەدى دەپ ويلايمىن:
زاڭگەرلەر اشىق ەسىك كۇنى كونستيتۋتسيا كۇنىنە وراي ۇيىمداستىرىلىپ وتىرعانىن ايتادى. جانە دە بۇل شارا جىل سايىن ءداستۇرلى تۇردە جالعاسىن تاۋىپ كەلەدى ەكەن. اشىق ەسىك كۇنىنەن بولەك ادۆوكاتتار القاسى اپتانىڭ ءار سارسەنبىسىندە كەلۋشىلەرگە زاڭگەرلىك تەگىن كەڭەس بەرەدى.
سەرىك بايمۇراتوۆ، شىمكەنت قالاسى ادۆوكاتتار القاسىنىڭ توراعاسى: «سونداي-اق ءاربىر سارسەنبى كۇنى ءوزىم تىكەلەي ادۆوكاتتارمەن بىرگە زاڭ كومەگىن تەگىن كورسەتۋ جونىندە ۇيىمداستىرىپ قويعانبىز. وسى ماسەلە بويىنشا ازاماتتاردىڭ بويىندا بانكتىك قىزمەت، بانكتان نەسيە العان ماسەلەلەر بويىنشا، وتباسىلىق جاعدايداعى تۋىنداعان قارىم-قاتىناستار، قارىز اقشا الۋ، بەرۋ جونىندە، جەر ماسەلەسى، تۇرعىن ءۇي ماسەلەسى بويىنشا كوپتەگەن سۇراقتار كوپ ازاماتتاردىڭ بويىندا».
ادۆوكاتتىق قىزمەت تۋرالى زاڭدا، 19 بابىندا كورسەتىلگەن كەشەندى الەۋمەتتىك زاڭ كومەگىن ءاربىر ادۆوكات ەرىكتى تۇردە زاڭ كومەگىن ۇسىنادى دەگەن. ونىڭ ىشىنە ۇلى وتان سوعىسىنا قاتىسۋشىلار، 1,2 توپ مۇگەدەكتەرى، قيىن جاعدايدا جۇرگەن ازاماتتار كوپبالالى اتا-انا، سوسىن مەديتسينالىق تيپتە جاتقان ازاماتتار، ااك-كە مۇقتاج ازاماتتارعا تەگىن زاڭ كومەگىن كورسەتۋ پارىزىمىز. ول زاڭدا كورسەتىلگەن.
قازىرگى تاڭدا ءۇشىنشى مەگاپوليستە 436-دەن استام ادۆوكات بار. ال، نەگىزىندە قۇقىق قورعاۋشىدان كەڭەس الۋ اقىلى تۇردە جۇزەگە اسىرىلادى. الايدا، بەكىتىلگەن باعا جوق. زاڭگەرلەر ءىستىڭ اۋىرلىعىنا، كومەككە جۇگىنۋشىنىڭ ماتەريالدىق جاعدايىنا قارايدى.
