Shymkentte advokattar azamatnarǵa tegin keńes berdi. Ashyq esik kúni 30 tamyz Ata zańynyń qabyldanǵan kúnine oraı uıymdastyrylyp otyr. Kelýshiler zańǵa qatysty kez-kelgen suraqtaryna jaýap ala aldy.
Zańgerler olardan kómek suraıtyndardyń máselesiniń kóbi bergen qaryzy men alımentti ala almaýǵa baılanysty eken. Aıta keteıik, advokattar tek búgin emes, aptanyń ár sársenbisinde turǵyndarǵa tegin zańgerlik keńes berýdi ádetke aınaldyrǵan.
Shymkentte qalalyq advokattar alqasynda ashyq esik kúni ótti. Munda azamattar kez-kelgen suraqtary boıynsha advokattardan tegin keńes ala aldy. Zań mamandaryna kóbine bereshegin ala almaı júrgender men alıment máselesimen júginedi eken. Búgingi ótken Ashyq esik kúni týraly aldyn ala habarlandyrý berdik deıdi uıymdastyrýshylar.
Qanjigit Túlkibaev, keńes alýshy: «Estip kórdim esiktiń aldynda habarlama jazylyp tur eken. Advokattar alqasy tegin keńes beredi degendi kórip, búgin kelip otyrmyn. Bir kisiden qaryz aqsha ala almaı júrmin. Sot oryndaýshylardyń kúshi kelmeı jatyr. Men ary qaraı ne isteımin, qalaı qaryzymdy óndiremin degen máselemen keldim. Bul kisi kómegin berip jatyr. Keńesine qanaǵattandym, jaqsy óte durys. Osyndaı keńester kóp bolsa, máselesin sheshe almaı júrgen halyq kóp. Osy kisilerdiń járdemi tıedi dep oılaımyn:
Zańgerler Ashyq esik kúni Konstıtýııa kúnine oraı uıymdastyrylyp otyrǵanyn aıtady. Jáne de bul shara jyl saıyn dástúrli túrde jalǵasyn taýyp keledi eken. Ashyq esik kúninen bólek advokattar alqasy aptanyń ár sársenbisinde kelýshilerge zańgerlik tegin keńes beredi.
Serik Baımuratov, Shymkent qalasy advokattar alqasynyń tóraǵasy: «Sondaı-aq árbir sársenbi kúni ózim tikeleı advokattarmen birge zań kómegin tegin kórsetý jóninde uıymdastyryp qoıǵanbyz. Osy másele boıynsha azamattardyń boıynda banktik qyzmet, banktan nesıe alǵan máseleler boıynsha, otbasylyq jaǵdaıdaǵy týyndaǵan qarym-qatynastar, qaryz aqsha alý, berý jóninde, jer máselesi, turǵyn úı máselesi boıynsha kóptegen suraqtar kóp azamattardyń boıynda».
Advokattyq qyzmet týraly zańda, 19 babynda kórsetilgen keshendi áleýmettik zań kómegin árbir advokat erikti túrde zań kómegin usynady degen. Onyń ishine Uly Otan soǵysyna qatysýshylar, 1,2 top múgedekteri, qıyn jaǵdaıda júrgen azamattar kópbalaly ata-ana, sosyn medıınalyq tıpte jatqan azamattar, AÁK-ke muqtaj azamattarǵa tegin zań kómegin kórsetý paryzymyz. Ol zańda kórsetilgen.
Qazirgi tańda úshinshi megapolıste 436-den astam advokat bar. Al, negizinde quqyq qorǵaýshydan keńes alý aqyly túrde júzege asyrylady. Alaıda, bekitilgen baǵa joq. Zańgerler istiń aýyrlyǵyna, kómekke júginýshiniń materıaldyq jaǵdaıyna qaraıdy.
