شىمكەنتكە پارلامەنت سەناتىنىڭ دەپۋتاتتارى جۇمىس ساپارىمەن كەلدى. نۇرلان بەكنازاروۆ پەن ايگۇل قاپباروۆا قالالىق پوليتسيا دەپارتامەنتىنىڭ باسشىلىعىمەن كەزدەستى. سونداي-اق پوليتسيانىڭ سەرۆيستىك مودەلىن ەنگىزۋ بارىسىمەن تانىستى.
قۇقىق قورعاۋ ورگانى قازىرگى تاڭدا ونىڭ ءبىر نۇسقاسىن اشقان. قالانىڭ بارلىق جەرىن قامتۋ ءۇشىن قاراجات ءبولۋ قاراستىرىلىپ جاتىر ەكەن. سەناتورلار پوليتسيانىڭ قىزمەتىن ارتتىرۋ بويىنشا زاڭعا وزگەرىس پاكەتتەرى دايىندالاتىنىن ايتتى. ونىڭ نەگىزگىلەرىنىڭ ءبىرىن دە اتاپ ءوتتى.
نۇرلان بەكنازاروۆ، قر پارلامەنتى سەناتىنىڭ دەپۋتاتى: «بىزدە جاقسى كادرلار ەندى جەتىلىپ، پىسكەن كەزىندە مىناۋ زەينەتكەرلىك جاسقا دەپ شىعىپ كەتەدى. سونى ءبىز ءمينيستردىڭ الدىندا تىكە قويدىق. نەگە قارماسقا؟ جەكە-جەكە بولسا دا قاراماسقا ءار كادرگە. قازىر زەينەتكەرلىك جاس ماسەلەسىن ۇزارتۋ ماسەلەسى دە جاقىن ارادا قارالاتىن بولادى سەناتتا. سوندىقتان سەناتتان ارنايى كەلىپ جاتقاندىعىمىزدا ارنايى سونىڭ ءبارىن جەتكىزەيىك. ودان كەيىنگى اتقارىلىپ جاتقان جۇمىستارىڭىزدى بىرگە كورەيىك».
سونىمەن قاتار، ونىڭ ىشىنە ءتارتىپ ساقشىلارىنا ارنالعان الەۋمەتتىك كەپىلدىكتەر، توتەنشە جاعداي جانە ءىس ساپار كەزىندەگى قىزمەتى ءۇشىن ەڭبەك اقىنى ءۇش ەسە كولەمىندە تولەۋ ماسەلەسى دە قارالىپ جاتىر ەكەن. سونداي-اق، سەناتورلار جەرگىلىكتى دەپۋتاتتارمەن كەزدەسىپ، شىمكەنت قالالىق كولىك-لوگيستيكالىق ورتالىعىنىڭ قىزمەتىمەن دە تانىستى. بۇنداعى قوسىمشا قۇرىلىس جۇمىستارىنىڭ بارىسىن كوردى. جالپى ورتالىقتىڭ تاۋارلاردى ساقتاۋ جانە تاسىمالداۋ مۇمكىندىگىنە وڭ باعاسىن بەردى.
نۇرلان بەكنازاروۆ، قر پارلامەنتى سەناتىنىڭ دەپۋتاتى: «تەك قانا شىمكەنت قالاسى ءۇشىن ەمەس بۇكىل سولتۇستىك-باتىس قىتاي ەۋروپا جولىندامىز. تۇبىندە اۋەجاي تۇر، مىناۋ تەمىرجول تورابىدا قامتاماسىز ەتىلگەن. ياعني، بۇل ەكونوميكالىق، الەۋمەتتىك جاعىنان دا قالاعا وتە قاجەتتى نارسە دەپ ەسەپتەيمىز. سوندىقتان دا، جۇمىستى ءارى قاراي جالعاستىرۋ ماسەلەسىن دە مىناۋ «سپك شىمكەنت»، قالا باسشىلىعىمەن دە سويلەستىك. تولىق اكىمدىكتىڭ مالىمەتتەرىنە سايكەس قولداپ وتىرمىز. وڭ جۇمىس اتقارىلعان دەپ ايتۋعا بولادى».
شاھارعا ارنايى كەلگەن سەناتورلار ورتالىق باسشىلارىمەن جانە ونىڭ قىزمەتىن پايدالانۋشىلارمەن كەزدەستى. شەنەۋنىكتەر مۇنىڭ ۇلكەن قاجەتتى جوبا ەكەنىن ايتۋدا. ايتا كەتەيىك، لوگيستيكالىق كەشەننىڭ اۋماعى 65 گەكتار. ونىڭ قازىر تەك 35 گەكتارى يگەرىلىپ وتىر.
