اعىمداعى جىلدىڭ 30-شىلدەسىندە شىمكەنت قپد كريمينالدىق پوليتسيا باسقارماسىنىڭ قىزمەتكەرلەرى حالىقارالىق ادام ساۋداسىنا قارسى كۇرەس كۇنىنە وراي، قالا اۋماعىندا اۋقىمدى اكتسيا ۇيىمداستىردى.
ءىس-شارانىڭ ماقساتى ادام ساۋداسىنا قاتىستى قىلمىستاردىڭ الدىن الۋ جانە ولاردى بولدىرماۋ بولىپ تابىلادى.
اتالعان شاراعا قالالىق جۇمىسپەن قامتۋ جانە الەۋمەتتىك قورعاۋ باسقارماسى، «سامعاۋ سەنىم» ارناۋلى الەۋمەتتىك قولداۋ ورتالىعى، «سانا سەزىم» ايەلدەر باستاماسىنىڭ قۇقىقتىق ورتالىعىنىڭ وكىلدەرى اتسالىستى. اكتسيا بارىسىندا ءتارتىپ ساقشىلارى تەمىرجول ۆوكزالى، اۋەجاي، حالىققا قىزمەت كورسەتۋ ورتالىقتارىندا ادام ساۋداسىنىڭ پروفيلاكتيكاسى بويىنشا تۇسىندىرمە جۇمىستارىن جۇرگىزدى. پوليتسەيلەر قالا تۇرعىندارىنا ادام ساۋداسى فاكتىلەرى تۋرالى كەڭىنەن اقپارات بەرىپ، بۇل قۇقىق بۇزۋشىلىقتارعا كۋا بولعان جاعدايدا جەدەل ىشكى ىستەر ورگاندارىنا حابار بەرۋ كەرەكتىگىن ءتۇسىندىردى.
سونداي-اق، اكتسيا بارىسىندا ازاماتتارعا رەسپۋبليكالىق «قىزۋ جەلىلەردىڭ» لوگوتيپتەرى بار پاراقشالار، قالامساپتار، بلوكنوتتار جانە شىناياقتار تاراتىلدى.
بۇل باعىتتاعى جۇمىستار الداعى ۋاقىتتا دا جالعاسىن تاباتىن بولادى.
