اقش-تىڭ بارلاۋ قاۋىمداستىعى قىتاي ابۋ-دابي ماڭىنداعى پورت اۋماعىندا جاسىرىن تۇردە اسكەري نىسان سالعانىن ايتتى. بۇل تۋرالى THT Wall Street Journal جازدى، دەپ حابارلايدى «ادىرنا» ءتىلشىسى.
العاش رەت ءباا استاناسى ماڭىنداعى كۇدىكتى ارەكەتتەر تۋرالى اقپارات شامامەن ءبىر جىل بۇرىن باق-تا جاريالاندى. سودان كەيىن شىققان دەرەكتەر سەنىمدى ەمەس دەپ سانالدى، بىراق 2021 جىلدىڭ كوكتەمىندە تۇسىرىلگەن سپۋتنيكتىك سۋرەتتەر امەريكالىق بيلىكتى قىتاي پورتتا اسكەري قوندىرعى سالىپ جاتىر دەپ سەندىردى.
دجو بايدەن اكىمشىلىگى ءباا بيلىگىنە قىتايدىڭ ەلدە اسكەري قاتىسۋى ەكى مەملەكەت اراسىنداعى بايلانىسقا قاۋىپ ءتوندىرۋى مۇمكىن ەكەنىن ەسكەرتتى.
«تاياۋ شىعىس امەريكا-قىتاي باسەكەلەستىگىنىڭ نەگىزگى الاڭىنا اينالۋدا. سونىمەن قاتار ءباا وسى ايماقتاعى امەريكا قۇراما شتاتتارى ءۇشىن نەگىزگى سەرىكتەستەردىڭ ءبىرى بولىپ ەسەپتەلەدى. سوڭعى ۋاقىتتا قىتاي ءباا-مەن ەكونوميكالىق بايلانىستارىن نىعايتتى. مۇنىڭ ءبارى قىتايدىڭ ەلگە باسىپ كىرۋىن اقش مۇددەلەرى ءۇشىن ودان دا قاۋىپتى ەتەدى»،– دەپ جازادى باسىلىم.
16 قازاندا بريتاندىق Financial Times گازەتى بەيجىڭ تامىز ايىندا يادرولىق قارۋدى الىپ جۇرەتىن جاڭا گيپەرسونيالىق زىمىراندى سىناپ كوردى دەپ مالىمدەدى. وسىدان كەيىن بايدەن بۇل ماسەلەگە الاڭداۋشىلىق ءبىلدىردى. ءوز كەزەگىندە قحر ءسىم رەسمي وكىلى چجاو ليتسزيان تامىز ايىندا ۇكىمەت عارىش اپپاراتتارىن سىناقتان وتكىزگەنىن ايتتى.
«ادىرنا» ۇلتتىق پورتالى
