جانار-جاعارماي باعاسىنىڭ وسۋىنە قاتىستى پىكىر بىلدىرگەن ەنەرگەتيكا ءمينيسترى ماعزۇم مىرزاعاليەۆ بەنزين مەن ديزەل وتىنىنىڭ باعاسى رەتتەلمەيتىنىن ايتتى، دەپ حابارلايدى "ادىرنا" ۇلتتىق پورتالى.
— جانار-جاعارماي باعاسى رەتتەلمەيدى. رەتتەۋ مۇمكىن ەمەس. بيىل ديزەل وتىنى تاپشى. ونىڭ ءبىر سەبەبى، كورشى ەلدەرمەن سالىستىرعاندا باعاداعى ايىرماشىلىق. باعا بويىنشا قازىر جۇيەلى وزگەرىستەردى ازىرلەپ جاتىرمىز، — دەدى مينيستر.
ونىڭ ايتۋىنشا، ەلىمىزدە بىرىنشىدەن، قازىر ءۇش مۇناي وڭدەۋ زاۋىتىندا جوسپارلى جانە جوسپاردان تىس جوندەۋ جۇمىستارى جۇرگىزىلىپ جاتىر، ولاردىڭ شارتتارىن انىقتاۋ كەرەك. ەكىنشىدەن، ماتەريالدىق-تەحنيكالىق رەزەرۆتىك بازانى قالىپتاستىرۋ قاجەت. ۇشىنشىدەن، جانار-جاعارمايدى باقىلاۋ، ءاربىر مۇناي بازاسىندا ءتيىستى قۇرال-جابدىقتارمەن جاراقتاندىرۋ كەرەك.
ءسوز سوڭىندا م.مىرزاعاليەۆ جىل اياعىنا دەيىن جاريالانعان جوسپارلار بويىنشا ءتيىستى وزگەرىستەر ەنگىزىلەتىنىن ايتتى.
"ادىرنا" ۇلتتىق پورتالى.