تاۋەلسىزدىكتىڭ 30 جىلدىعىن مەرەكەلەۋ اياسىندا كورۋ قابىلەتى ناشار ادامدار اراسىندا ەكىنشى رەت «ءان تارتۋ» ۆوكالدىق بايقاۋى وتكىزىلدى. بۇل شارانى ل.تولستوي اتىنداعى وبلىستىق امبەباپ-عىلىمي كىتاپحاناسى ۇيىمداستىردى. مۇنداعى باستى ماقسات-وقىرمانداردىڭ دارىنىن اشۋ، ۆوكالدىق قابىلەتتەرىن دامىتۋ جانە سول ارقىلى ولاردىڭ ءوز كۇشتەرىنە دەگەن سەنىمدىلىكتى ۇيالاتۋ.
بيىلعى ۇيىمداستىرىلعان «ءان تارتۋ» بايقاۋى «ۆوكال» جانە «دۋەت» دەپ اتالعان ەكى نوميناتسيا بويىنشا ءوتتى. ءان سايىسىنا قوستاناي جانە رۋدنىي قالالارىنان ەرەكشە قاجەتتىلىگى بار 9 ادام قاتىستى.
سونداي-اق كوپشىلىك جينالعان بايقاۋعا قاتىسۋشىلاردىڭ جەتەكشىسى رەتىندە ە.ومىرزاقوۆ اتىنداعى قوستاناي وبلىستىق فيلارمونياسىنىڭ كاسىبي انشىلەرى نۇرجان جاقسان، جانىبەك جۇماحان، اقنيا جەڭىس شاقىرىلدى. سونىمەن قاتار ولار بۇل شارادا اۋلەتە ءان شىرقادى.
سايىس بولعان جەردە جەڭىمپاز دا بولارى انىق. اتالمىش ءان دوداسىندا قاتىسۋشىلاردىڭ ونەرىن باعالاعان ءادىل قازىلاردىڭ شەشىمىمەن 1 ورىندى اقنيا جەڭىس جەتەكشىلىك ەتكەن داننا سۇلتانگاليەۆا جەڭىپ الدى. ال 2 ورىندى ءانشى جانىبەك جۇماحاننىڭ جەتەكشىلىگىندە ءان شىرقاعان اننا گراچەۆا يەلەندى. جۇلدەلى 3 ورىن نۇرجان جاقساننىڭ جەتەكشىلىگىندە بولعان بايگۇل جانداربەكوۆاعا بۇيىردى.
وسى رەتتە رۋدنىي قالاسىنىڭ «وربيتا» دەمالىس ورتالىعىنىڭ مۋزىكالىق جەتەكشىسى ناتاليا كرۋگلوۆا، اتالمىش قالاداعى №11 ورتا مەكتەبىنىڭ ۆوكال بويىنشا وقىتۋشىسى ناتاليا دانيلەۆسكايالاردىڭ ەسىمى ونەرلى جاندار ايسۇلۋ بايبولوۆانىڭ، سەرگەي كرۋپينيننىڭ جانە ەلەنا لازارەۆانىڭ ناعىز تالىمگەرلەرى رەتىندە اتالدى.
-بۇل بايقاۋدا ەڭ باستىسى ءار قاتىسۋشى ءوز كۇشىنە دەگەن سەنىمسىزدىكتى، ءوزىنىڭ كەمشىلىكتەرى مەن قورقىنىشتارىن جەڭە ءبىلدى. ولار قولدارىنان كەلگەنشە ونەرلەرىن ورتاعا سالىپ، اسەم ءان شىرقادى، – دەيدى بايقاۋدى ۇيىمداستىرۋشى كىتاپحانا قىزمەتكەرلەرى.
كىتاپحانا ۇجىمى قاتىسۋشىلارعا سىيلىق ۇسىنعان قالامىزداعى «وازيس» گۇلدەر دۇكەنىنە جانە «ميراس» مادەنيەت ءۇيىنىڭ اكىمشىلىگىنە العىستارىن جەتكىزدى.
بايقاۋعا قاتىسقانداردىڭ بارلىعى لايىقتى ماراپاتقا يە بولدى.
اياگوز كاكىمجانوۆا
