قازاقستاندا اسا قاۋىپتى بيوزەرتحانا سالىنۋدا

1019

قازاقستاننىڭ جامبىل وبلىسى قورداي اۋدانىنىڭ گۆاردەيسكي كەنتىندە بيولوگيالىق قاۋىپسىزدىكتىڭ جوعارى دەڭگەيلى عىلىمي زەرتحاناسى جانە ۆيرۋستاردىڭ قاۋىپتى جانە اسا قاۋىپتى شتاممدارىنا ارنالعان جەراستى قويمالارى سالىنۋدا. بۇل تۋرالى اقپارات 5 قاراشادا قازاقستان ۇكىمەتىنىڭ رەسمي سايتىندا پايدا بولدى، دەپ حابارلايدى "ادىرنا" ۇلتتىق پورتالى.

زەرتحاناعا ەرەكشە رەتتەۋدى جانە قالا قۇرىلىسىن رەگلامەنتتەۋدى تالاپ ەتەتىن وبەكت مارتەبەسى بەرىلدى. قۇرىلىستىڭ اياقتالۋ مەرزىمى-2025 جىلدىڭ IV توقسانى. BSL-4 كودى (Biosafety level 4) بيولوگيالىق قاۋىپسىزدىكتىڭ ءتورتىنشى دەڭگەيىن بىلدىرەدى.

بۇگىنگى كۇنى الماتىدا م.ايقىمباەۆ اتىنداعى اسا قاۋىپتى ينفەكتسيالار ۇلتتىق عىلىمي ورتالىعى جانىندا ورتالىق رەفەرەنتتىك زەرتحانا جانە پەنتاگون اقشاسىنا سالىنعان اسا قاۋىپتى ينفەكتسيالىق پاتوگەندەردىڭ قويماسى جۇمىس ىستەيدى.  قازاقستاندىق قوعامدا بيولوگيالىق قارۋدى ازىرلەۋ بويىنشا جۇمىستار جۇرگىزىلىپ جاتىر دەگەن بولجامدار بار. بۇل تۋرالى قازاقستان قورعانىس ءمينيسترىنىڭ بۇرىنعى ورىنباسارى امىربەك توعىسوۆ ايتتى.

ال زەرتحانا قۇرىلىسىن امەريكاندىق اسكەري ۆەدومستۆو قارجىلاندىرعانىن اقيۇعو ديرەكتورى باقىت اتشابار اتاپ ءوتتى. الايدا ول  بيوزەرتحانا بيولوگيالىق قارۋ جاسايدى دەگەن اقپاراتتى جوققا شىعاردى.

ايتا كەتۋ كەرەك، الماتى زەرتحاناسى بيولوگيالىق قاۋىپتىلىكتىڭ 3-ءشى دەڭگەيىنە يە. ال جامبىل وبلىسىندا سالىنىپ جاتقان زەرتحانا الماتىدا جۇمىس ىستەيتىندەرگە قاراعاندا قاۋىپتى شتاممدارمەن جۇمىس ىستەۋگە مۇمكىندىك بەرەتىن جوعارى، 4-ءشى دەڭگەيگە يە بولادى.

"ادىرنا" ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket