8-13 قاراشا ارالىعىندا وزبەكستاندا ءال-فەرگاني اتىنداعى حالىقارالىق فيزيكا وليمپياداسى ءوتتى، دەپ حابارلايدى "ادىرنا" ۇلتتىق پورتالى.
قر ءبىلىم جانە عىلىم مينيسترلىگىنىڭ مالىمەتىنشە، زياتكەرلىك سايىسقا الەمنىڭ 18 ەلىنەن، سونىڭ ىشىندە رەسەي، ءازىربايجان، بەلارۋس، رۋمىنيا جانە ت.ب. 130 بالا قاتىستى.
بايقاۋ جازباشا جانە پراكتيكالىق جۇمىستاردان تۇراتىن ەكى كەزەڭنەن تۇردى.
ۇلتتىق قۇراما قازاقستانعا ەكى «التىن»، التى كۇمىس جانە ءۇش قولا مەدال اكەلدى. الىشەر ەركەباەۆ پەن نۇرداۋلەت نازارباەۆ جەڭىمپاز اتاندى. كۇمىس جۇلدە دانيل شاتوحين، ورازحان حايدار، دىنمۇحاممەد ساپىبەك، ەرداۋلەت ناحيپ، بەرنارد شامعونوۆ، دياس ەسپانعا بۇيىردى. بەكسۇلتان ءشارىپ، اسقار قاسىموۆ جانە نۇرجان حاسەنوۆ «قولا» الدى.
مەكتەپ وقۋشىلارى وزدەرىنىڭ جەڭىستەرىن تۋعان ەل تاۋەلسىزدىگىنىڭ 30 جىلدىعىنا ارناعانى اتاپ ءوتىلدى.
وليمپياداداعى باسەكەلەستىك وتە جوعارى بولدى، ويتكەنى قاتىسۋشىلاردىڭ كوپشىلىگى حالىقارالىق فيزيكا وليمپياداسىنىڭ (IPhO) رەيتينگىندە جەتەكشى ورىنداردا. ءبىزدىڭ جىگىتتەر تاماشا ناتيجە كورسەتىپ، قازاقستاندى الەمدىك ارەنادا لايىقتى تانىتتى. قازىر ءبىلىم جانە عىلىم مينيسترلىگىنىڭ «دارىن» ورتالىعى وقۋشىلارىمىزدىڭ حالىقارالىق وليمپيادالارعا قاتىسۋىنا بارلىق جاعداي جاساۋ ءۇشىن ءتۇرلى دەڭگەيدەگى وليمپيادالار وتكىزۋ بويىنشا جۇمىستار جۇرگىزۋدە»، - دەدى قازاقستان رەسپۋبليكاسىنىڭ ءبىلىم جانە عىلىم مينيسترلىگىڭ مەكتەپكە دەيىنگى جانە ورتا ءبىلىم كوميتەتىنىڭ ءتورايىمى گۇلميرا كارىموۆا.
"ادىرنا" ۇلتتىق پورتالى
