ورالدا تانىمال دارىگەردىڭ ءمايىتى تابىلدى

2581
Adyrna.kz Telegram
ورالدىق تانىمال دارىگەر تاتيانا بۋتكەۆيچ لەۆ تولستوي كوشەسىندەگى ءوز پاتەرىندە ءولى كۇيىندە تابىلدى دەپ حابارلايدى "ادىرنا" ۇلتتىق پورتالى "nege.kz-كە" سىلتەمە جاساپ.

تاتيانا بۋتكەۆيچ كارديولوگ، تەراپەۆت بولىپ قىزمەت ەتكەن. كورشىلەرىنىڭ ايتۋىنشا، وتكەن اپتادا بۋتكەۆيچتىڭ 44 جاستاعى ۇلى اۋىرىپ قالعان، ول جەدەل جاردەم شاقىرعان. جەدەل جاردەمنەن كەيىن جانساقتاۋ بريگاداسى، ال ءبىراز ۋاقىتتان كەيىن سوت-مەديتسينالىق ساراپتامانىڭ ساراپشىلارى كەلدى. وسىلايشا دارىگەردىڭ ۇلى كوز جۇمعان.

كەيىن دارىگەردىڭ پاتەرىنەن جاعىمسىز ءيىس شىعا باستاعانىن سەزگەن كورشىلەرى پوليتسيا شاقىرعان.

اعا ۋچاسكەلىك ينسپەكتور قازبەك قۇلباەۆتىڭ ايتۋىنشا، ولار پاتەرگە كىرگەن كەزدە ۇيىلگەن قوقىس اراسىنان تاتيانا بۋتكەۆيچتىڭ دەنەسى تابىلعان. بولجام بويىنشا ايەل وزىنە قول سالعان.

"ايەل تابىلعان بولمەلەردىڭ بىرىندە ونىڭ قاسىندا تۇبىمەن جۇلىنعان ليۋسترا جاتقان. ءبىز سوت-مەديتسينالىق توپتى شاقىردىق، ولار ايەلدىڭ دەنەسىن مايىتحاناعا جەتكىزدى. قازىر ءولىمنىڭ سەبەبى انىقتالىپ جاتىر", - دەدى قۇلباەۆ.

 

"ادىرنا" ۇلتتىق پورتالى

پىكىرلەر