رەسەيدە مەترو ىشىندە ناماز وقىعان ادامنىڭ ارەكەتى تۇرعىنداردىڭ نارازىلىعىن تۋدىردى. الايدا پوليتسيا قىزمەتكەرلەرى قۇلشىلىق ەتىپ جاتقان ادامدى نارازى توپتان قورعاپ قالدى، دەپ حابارلايدى “ادىرنا” ۇلتتىق پورتالى.
“بۇل كىسىنىڭ قۇلشىلىق جاساپ جاتقانى دۇرىس پا؟ پوليتسەيلەر سىزدەر نەگە ونى ايتپايسىزدار؟ بۇل جەردە قۇلشىلىق ەتۋگە بولمايتىنىن نەگە ايتپايسىزدار؟ بۇل قانشالىقتى زاڭدى؟ مەترو ىشىندە نە ءۇشىن قۇلشىلىق جاساپ ءجۇر؟ بۇل دۇرىس ەمەس”، – دەدى ۆيدەو اۆتورى.
پوليتسەيلەر قۇلشىلىق ەتىپ جاتقان ادامدى كەدەرگىدەن قورعاپ، نارازىلىق بىلدىرگەن ادامعا ءتۇسىندىردى.
https://youtu.be/e5gJuJuPwJ8“نە بولىپ قالدى؟ تۇسىنبەدىك؟ ول قۇلشىلىق ەتىپ جاتىر. از عانا مينۋت قانا عوي. مەترودا قۇلشىلىق ەتۋگە بولمايدى دەگەن زاڭ جوق. مۇندا تۇرعان ەشتەڭە جوق. قازىر نامازىن وقىپ ءبىتىرسىن، سىزگە ءبارىن ءتۇسىندىرىپ بەرەمىز”، – دەدى پوليتسەيلەر.
“ادىرنا” ۇلتتىق پورتالى
