اتىراۋ وبلىسى جىلىوي اۋدانىنداعى تەڭىز مۇناي-گاز كەن ورنىندا اقاۋعا بايلانىستى زاۋىت جۇمىسى ۋاقىتشا توقتاپ قالدى دەپ حابارلايدى "ادىرنا" ۇلتتىق پورتالى "orda.kz-كە" سىلتەمە جاساپ.
قىزمەتكەرلەردى ەۆاكۋاتسيالاۋدىڭ قاجەتى بولمادى.
— ەكىنشى بۋىندى مۇناي جانە گاز وڭدەۋ زاۋىتىنىڭ توقتاۋى 6 قاراشا كۇنى ۋ-200 كونسولىنىڭ باسقارۋ پۋلتىندە G-211A سورعى جاعدايىنىڭ دۇرىس كورسەتىلمەۋىنە بايلانىستى بولدى. قۇرباندار مەن زارداپ شەككەندەر جوق. "تەڭىزشەۆرويل" جشس ماماندارى اۆتوماتتاندىرىلعان قۇرىلعىنىڭ اقاۋىنىڭ سەبەبىمەن اينالىسۋدا، – دەدى كومپانيا وكىلدەرى.
قازىرگى ۋاقىتتا قالپىنا كەلتىرۋ جۇمىستارى اياقتالىپ، زاۋىت تەحنولوگيالىق رەجيمگە ساي جۇمىس ىستەي باستادى.
تەڭىز كەن ورنى جىلىنا 27 ميلليون توننادان استام مۇناي وندىرەدى. ءوندىرىستى كەڭەيتۋ جۇرگىزىلۋدە، ول اياقتالعاننان كەيىن ءوندىرۋ جىلىنا 38 ميلليون توننا مۇنايعا جەتەدى.
ەستەرىڭىزگە سالا كەتەيىك، بۇعان دەيىن ەنەرگەتيكا مينيسترلىگى ەلىمىزدە جانار-جاعارماي تاپشىلىعىنا نەگىز بولاتىن ەش سەبەپ جوق دەپ مالىمدەگەن بولاتىن.
"ادىرنا" ۇلتتىق پورتالى
