Atyraý oblysy Jylyoı aýdanyndaǵy Teńiz munaı-gaz ken ornynda aqaýǵa baılanysty zaýyt jumysy ýaqytsha toqtap qaldy dep habarlaıdy "Adyrna" ulttyq portaly "orda.kz-ke" silteme jasap.
Qyzmetkerlerdi evakýaııalaýdyń qajeti bolmady.
— Ekinshi býyndy munaı jáne gaz óńdeý zaýytynyń toqtaýy 6 qarasha kúni Ý-200 konsoliniń basqarý pýltinde G-211A sorǵy jaǵdaıynyń durys kórsetilmeýine baılanysty boldy. Qurbandar men zardap shekkender joq. "Teńizshevroıl" JShS mamandary avtomattandyrylǵan qurylǵynyń aqaýynyń sebebimen aınalysýda, – dedi kompanııa ókilderi.
Qazirgi ýaqytta qalpyna keltirý jumystary aıaqtalyp, zaýyt tehnologııalyq rejımge saı jumys isteı bastady.
Teńiz ken orny jylyna 27 mıllıon tonnadan astam munaı óndiredi. Óndiristi keńeıtý júrgizilýde, ol aıaqtalǵannan keıin óndirý jylyna 38 mıllıon tonna munaıǵa jetedi.
Esterińizge sala keteıik, buǵan deıin Energetıka mınıstrligi elimizde janar-jaǵarmaı tapshylyǵyna negiz bolatyn esh sebep joq dep málimdegen bolatyn.
"Adyrna" ulttyq portaly
