كوروناۆيرۋس پاندەمياسى باستالعاننان كەيىن تابىسى كەدەيلىك شەگىنەن تومەن قىرعىز ازاماتتارىنىڭ ۇلەسى 20%-دان 31%-عا دەيىن وسكەن. ال ەلدەگى تۋريزم سالاسىنىڭ اينالىمى وسى كەزەڭدە 80 پايىزعا تومەندەگەن. بۇل تۋرالى قىرعىزستاننىڭ ەكونوميكا جانە ساۋدا ءمينيسترى دانيار امانگەلديەۆ ءمالىم ەتتى دەپ حابارلايدى "ادىرنا" ۇلتتىق پورتالى.
ول بۇل مالىمدەمەنى دسۇ مينيسترلەرىنىڭ 12-ءشى كونفەرەنتسياسى اياسىندا وتكەن "تەڭىزگە شىعۋ جولى" جوق دامۋشى ەلدەردىڭ ساۋدا مينيسترلەرىنىڭ كەڭەسىندە سويلەگەن سوزىندە دە ايتتى.
"كوروناۆيرۋس ينفەكتسياسى 2020 جىلى قىرعىزستاندا ءجىو-ءنىڭ 8,6%-عا تومەندەۋىنە اكەلدى. ەڭبەك سىيىمدىلىعى جوعارى سالالار بۇدان دا قاتتى زارداپ شەكتى", - دەدى د.امانگەلديەۆ.
مينيستر قىرعىزستانداعى ىندەت ساۋداعا، سونداي-اق كولىك پەن قۇرىلىس سالالارىنا قاتتى اسەر ەتكەنىن ايتتى. ينفلياتسيا 2019 جىلعى 3%-دان 2020 جىلى 10%-عا دەيىن ءوستى. ءوندىرىس كولەمىنىڭ تومەندەۋى، بيۋدجەت تاپشىلىعىنىڭ ارتۋى جانە ۇلتتىق ۆاليۋتانىڭ قۇنسىزدانۋى سالدارىنان مەملەكەتتىك قارىز 16%-عا ءوسىپ، 2020 جىلى ءجىو-ءنىڭ 68%-ىن قۇراعان.
"قىرعىزستانداعى كەدەيلىك دەڭگەيى تابىستىڭ تومەندەۋى مەن جۇمىسسىزدىقتىڭ وسۋىنە بايلانىستى ءوستى", - دەپ قوستى مينيستر.
"ادىرنا" ۇلتتىق پورتالى.
