31 paıyz: Qyrǵyzstan kedeılenip ketti

3018
Adyrna.kz Telegram

Koronavırýs pandemııasy bastalǵannan keıin tabysy kedeılik sheginen tómen qyrǵyz azamattarynyń úlesi 20%-dan 31%-ǵa deıin ósken. Al eldegi týrızm salasynyń aınalymy osy kezeńde 80 paıyzǵa tómendegen. Bul týraly Qyrǵyzstannyń Ekonomıka jáne saýda mınıstri Danııar Amangeldıev málim etti dep habarlaıdy "Adyrna" ulttyq portaly.

Ol bul málimdemeni DSU mınıstrleriniń 12-shi konferenııasy aıasynda ótken "teńizge shyǵý joly" joq damýshy elderdiń saýda mınıstrleriniń keńesinde sóılegen sózinde de aıtty.

"Koronavırýs ınfekııasy 2020 jyly Qyrǵyzstanda JIÓ-niń 8,6%-ǵa tómendeýine ákeldi. Eńbek syıymdylyǵy joǵary salalar budan da qatty zardap shekti", - dedi D.Amangeldıev.

Mınıstr Qyrǵyzstandaǵy indet saýdaǵa, sondaı-aq kólik pen qurylys salalaryna qatty áser etkenin aıtty. Inflıaııa 2019 jylǵy 3%-dan 2020 jyly 10%-ǵa deıin ósti. Óndiris kóleminiń tómendeýi, bıýdjet tapshylyǵynyń artýy jáne ulttyq valıýtanyń qunsyzdanýy saldarynan memlekettik qaryz 16%-ǵa ósip, 2020 jyly JIÓ-niń 68%-yn quraǵan.

"Qyrǵyzstandaǵy kedeılik deńgeıi tabystyń tómendeýi men jumyssyzdyqtyń ósýine baılanysty ósti", - dep qosty mınıstr.

 

"Adyrna" ulttyq portaly.

Pikirler