وزبەكستاندىق كينو مايتالماندارى بولاشاقتا قازاقستان تۋرالى بىرنەشە باعىتتا تىڭ تۋىندىلار تۇسىرمەك. بۇل تۋرالى «وزبەككينو» ۇلتتىق اگەنتتىگىنىڭ باسشىلىعى ەلشىمەن كەزدەسۋ بارىندا مالىمدەدى.
باسقوسۋدا ەكى ەل اراسىنداعى مادەني بايلانىستى ودان ءارى نىعايتۋ ماقساتىندا ارنايى جول كارتاسىن جاساۋ جايى دا ءسوز بولدى. وندا كينو سالاسىنداعى بايلانىستىڭ نەگىزگى باعىتتارى مەن ماقساتتارى كورسەتىلەدى. جوبانى جۇزەگە اسىرۋ ءۇشىن ستسەناريستەر مەن كينو رەجيسسەرلەر جانە وپەراتورلاردان جاساقتالعان بىرلەسكەن شىعارماشىلىق توپ قۇرۋ جايى دا ايتىلدى. كورشىلەر قازىردىڭ وزىندە ۇلتتىق باتىرلارى جالالەددين مانگۋبەردي جايلى ءتۇسىرىپ جاتقان كينوسىنىڭ باسىم بولىگىن قازاق جەرىندە ءتۇسىرۋدى جوسپارلاپ وتىر ەكەن. تۋىندى ارقىلى باۋىرلاس ەلدەردىڭ تاريحى مەن مادەنيەتىنىڭ ءبىر ەكەنىن كورسەتەمىز،- دەيدى رەجيسسەرلار.
- شىن مانىندە ءبىز قازاقستاندىق دوستارىمىزبەن بىرگە كينو سالاسىندا كوپ نارسە اتقارۋىمىز قەرەك. ويتكەنى قازاق حالقىمەن تامىرلاس، تۇتاس دىڭگەك بولىپ بىرىگىپ، بايلانىسىپ جاتىرمىز دەۋگە بولادى. ءبىزدىڭ ءتىلىمىز دە، ءدىنىمىز دە، سالت-ءداستۇرىمىز دە دۇنيەتانىمىمىز دا ءبىر-بىرىنە جاقىن. سوندىقتان ءبىز قازىردەن باستاپ بولاشاققا باعدار جاساۋىمىز قاجەت، - دەدى شۋحرات ريزاەۆ، «وزبەككينو» ۇلتتىق اگەنتتىگى باس ديرەكتورىنىڭ ءبىرىنشى ورىنباسارى.
بيىل وزبەكستاننىڭ قازاقستانداعى جىلى اياسىندا ءبىزدىڭ ەلدە وزبەك كينوسىنىڭ كۇندەرى ۇيىمداستىرىلادى.
24.kz
