Ózbekstandyq kıno maıtalmandary bolashaqta Qazaqstan týraly birneshe baǵytta tyń týyndylar túsirmek. Bul týraly «Ózbekkıno» ulttyq agenttiginiń basshylyǵy elshimen kezdesý barynda málimdedi.
Basqosýda eki el arasyndaǵy mádenı baılanysty odan ári nyǵaıtý maqsatynda arnaıy jol kartasyn jasaý jaıy da sóz boldy. Onda kıno salasyndaǵy baılanystyń negizgi baǵyttary men maqsattary kórsetiledi. Jobany júzege asyrý úshin senarıster men kıno rejısserler jáne operatorlardan jasaqtalǵan birlesken shyǵarmashylyq top qurý jaıy da aıtyldy. Kórshiler qazirdiń ózinde ulttyq batyrlary Jalaleddın Mangýberdı jaıly túsirip jatqan kınosynyń basym bóligin Qazaq jerinde túsirýdi josparlap otyr eken. Týyndy arqyly baýyrlas elderdiń tarıhy men mádenıetiniń bir ekenin kórsetemiz,- deıdi rejısserlar.
- Shyn máninde biz Qazaqstandyq dostarymyzben birge kıno salasynda kóp nárse atqarýymyz qerek. Óıtkeni qazaq halqymen tamyrlas, tutas dińgek bolyp birigip, baılanysyp jatyrmyz deýge bolady. Bizdiń tilimiz de, dinimiz de, salt-dástúrimiz de dúnıetanymymyz da bir-birine jaqyn. Sondyqtan biz qazirden bastap bolashaqqa baǵdar jasaýymyz qajet, - dedi Shýhrat Rızaev, «Ózbekkıno» ulttyq agenttigi bas dırektorynyń birinshi orynbasary.
Bıyl Ózbekstannyń Qazaqstandaǵy jyly aıasynda bizdiń elde ózbek kınosynyń kúnderi uıymdastyrylady.
24.kz
