گوللانديا سوتى ۇلتتىق قوردىڭ بۇعاتتالعان 22 ملرد دوللار اكتيۆىن بوساتتى، دەپ حابارلايدى Qamshy.kz اقپارات اگەنتتىگى قر ادىلەت مينيسترلىگىنىڭ ءباسپاسوز قىزمەتىنە سىلتەمە جاساپ. سوت ۇلتتىق بانك پەن قر ادىلەت مينيسترلىگىنىڭ پوزيتسياسىمەن كەلىسىپ، ۇلتتىق قور اكتيۆتەرىنە قول سۇعىلمايدى دەگەن قاۋلى شىعاردى.
«2018 جىلى 23 قاڭتاردا امستەردام قالاسىنىڭ ايماقتىق سوتى Bank of NewYork Mellon-دا كاستوديالدى ساقتاۋدا جاتقان ۇلتتىق قور اكتيۆتەرىن بوساتۋ تۋرالى قر ۇلتتىق بانكىنىڭ ءوتىنىشىن قاناعاتتاندىردى»، - دەلىنگەن ادىلەت مينيسترلىگىنىڭ حابارلاماسىندا.
سوت ۇلتتىق بانك پەن وسى پروتسەسكە ءۇشىنشى تاراپ رەتىندە قاتىسقان قر ادىلەت ءمينيسترلىنىڭ پوزيتسياسىمەن كەلىسىپ، ۇلتتىق قور اكتيۆتەرىنە قول سۇعىلمايدى دەپ قاۋلى شىعاردى، دەلىنگەن ءباسپاسوز حابارلاماسىندا.
نيدارلاندىنىڭ سوت ورىندارى بۇعان دەيىن دە اناتولۋ ءستاتيدىڭ اكتيۆتەردى بۇعاتتاۋ تۋرالى ءوتىنىشىن ورىنداماعان ەدى. ستاتي بۇل دەرەكتەردى جاسىرىپ قالىپ، سول ارقىلى سوتتى شاتاستىردى. سوت ءستاتيدى سوت شىعىندارىن قازاقستان تاراپىنا ءوندىرىپ بەرۋگە مىندەتتەدى.
ەسكە سالا كەتەيىك، 2017 جىلى جەلتوقسان ايىندا امەريكالىق The Bank of New York Mellon كومپانياسى مولدوۆا كاسىپكەرى اناتولۋ ءستاتيدىڭ ارىزى بويىنشا ۇلتتىق قوردىڭ 22 ملرد دوللار اكتيۆىن بۇعاتتاعان بولاتىن.
