بوكستان بەلگرادتا ءوتىپ جاتقان الەم چەمپيوناتىندا قازاقستان كومانداسىنىڭ قورجىنى كۇمىس جۇلدەمەن تولىقتى. 20 جاستاعى ماحمۇد سابىرحان الەمدىك سىندى ەكىنشى ورىنمەن اياقتادى دەپ حابارلايدى Olympic.kz-كە سىلتەمە جاساپ "ادىرنا" ۇلتتىق پورتالى.
54 كەلىگە دەيىنگى سالماقتا سىنعا تۇسكەن ماحمۇد سابىرحان فينالدا جاپوندىق تامويا تسۋبويدان 0:5 ەسەبىمەن ۇتىلدى.
اتالعان جەكپە-جەك ماحمۇد سابىرحان ءۇشىن ۇلكەن تاجىريبە بولعانى انىق. الەم چەمپيوناتى بارىسىندا ماماندار مەن جانكۇيەرلەردەن جوعارى باعا العان سابىرحان فينالدا جاستىعىنان جانە تاجىريبەنىڭ ازدىعىنان تىزە بۇكتى.
ءبىرىنشى راۋندتا ماحمۇد ازداعان باسىمدىقپەن جەڭىسكە جەتكەنىمەن، قالعان ەكى راۋندا جاپوندىق بوكسشىنىڭ سوققىلارى ءدال ءارى مىقتىراق بولدى.
بۇل ماحمۇد سابىرحان قاتىسىپ وتىرعان العاشقى الەم چەمپيوناتى. 20 جاسىندا الەم چەمپيوناتىنىڭ فينالىندا سىنعا تۇسكەنى دە ماحمۇدتىڭ تالانتتى بوكسشى ەكەنىن كورسەتەتىنى انىق.
"ادىرنا" ۇلتتىق پورتالى
