اتىراۋلىق تانىمال سۋرەتشى، "مۇرات موڭكەۇلى" پورترەتىنىڭ ءبىر نۇسقاسىنىڭ اۆتورى ادىلقايىر جانتاسوۆ ومىردەن ءوتتى دەپ حابارلايدى "ادىرنا" ۇلتتىق پورتالى.
بۇل تۋرالى ءوزىنىڭ فەيسبۋك پاراقشاسىندا باۋىرجان ومارۇلى جازدى:
"اتىراۋدا تۇراتىن تانىمال سۋرەتشى، "مۇرات موڭكەۇلى" پورترەتىنىڭ ءبىر نۇسقاسىنىڭ اۆتورى، ءور مىنەزدى ازامات ادىلقايىر جانتاسوۆ اعامىزدىڭ قىلقالامى قولىنان ءتۇسىپتى... قولتاڭباسى بولەك قايتالانباس تۇلعا ەدى. ەشكىمگە ۇقسامايتىن، ەلىكتەۋ دەگەندى بىلمەيتىن. ماحامبەت مىنەزدى مايتالمان ەدى. بوياۋعا جۇرەگىن مالىپ وتىرىپ جازاتىن. كۇللى جۇرت سۋرەتشىنىڭ شىعارماشىلىق وتاۋىن "شەبەرحانا" دەسە، ول جالعىز ءوزى عانا "شەبەرپانا" دەيتىن-ءدى. حاناسى دا، پاناسى دا سول ەدى. سول ەندى... شەبەرى جوق شەبەرحانا بۇگىن قاتتى قۇلازىپ تۇر..." — دەدى ول جازباسىندا.
ايتا كەتۋ كەرەك، ادىلقايىر جانتاسوۆ — قازاقستان سۋرەتشىلەر وداعىنىڭ مۇشەسى (1992). ول الماتى كوركەمسۋرەت ۋچيليششەسىن (1981), الماتى مەملەكەتتىك تەاتر كوركەمسۋرەت ينستيتۋتىن (1986) بىتىرگەن. بىرنەشە پورترەتتىك تۋىندىلاردىڭ ("مۇرات موڭكەۇلى", "شوقان", "بەيبارىس" ت. ب.), كارتينالاردىڭ ("يساتاي—ماحامبەت", "قانسونار" ت. ب.) اۆتورى. ال 2004 جىلدان بەرى قر ديزاينەرلەر وداعىنىڭ مۇشەسى.
"ادىرنا" ۇلتتىق پورتالىنىڭ ۇجىمى سۋرەتشىنىڭ وتباسىنا، جاقىندارىنا قايعىلارىنا ورتاقتاسىپ، كوڭىل ايتادى.
"ادىرنا" ۇلتتىق پورتالى.
