Atyraýlyq tanymal sýretshi, "Murat Móńkeuly" portretiniń bir nusqasynyń avtory Ádilqaıyr Jantasov ómirden ótti dep habarlaıdy "Adyrna" ulttyq portaly.
Bul týraly óziniń feısbýk paraqshasynda Baýyrjan Omaruly jazdy:
"Atyraýda turatyn tanymal sýretshi, "Murat Móńkeuly" portretiniń bir nusqasynyń avtory, ór minezdi azamat Ádilqaıyr Jantasov aǵamyzdyń qylqalamy qolynan túsipti... Qoltańbasy bólek qaıtalanbas tulǵa edi. Eshkimge uqsamaıtyn, elikteý degendi bilmeıtin. Mahambet minezdi maıtalman edi. Boıaýǵa júregin malyp otyryp jazatyn. Kúlli jurt sýretshiniń shyǵarmashylyq otaýyn "sheberhana" dese, ol jalǵyz ózi ǵana "sheberpana" deıtin-di. Hanasy da, panasy da sol edi. Sol endi... Sheberi joq sheberhana búgin qatty qulazyp tur..." — dedi ol jazbasynda.
Aıta ketý kerek, Ádilqaıyr Jantasov — Qazaqstan sýretshiler odaǵynyń múshesi (1992). Ol Almaty kórkemsýret ýchılıesin (1981), Almaty memlekettik teatr kórkemsýret ınstıtýtyn (1986) bitirgen. Birneshe portrettik týyndylardyń ("Murat Móńkeuly", "Shoqan", "Beıbarys" t. b.), kartınalardyń ("Isataı—Mahambet", "Qansonar" t. b.) avtory. Al 2004 jyldan beri QR Dızaınerler odaǵynyń múshesi.
"Adyrna" ulttyq portalynyń ujymy sýretshiniń otbasyna, jaqyndaryna qaıǵylaryna ortaqtasyp, kóńil aıtady.
"Adyrna" ulttyq portaly.
