الماتى وبلىسىنىڭ پوليتسەيلەرى ەكى ايعا جۋىق ىزدەۋدە جۇرگەن، ءىز-ءتۇزسىز جوعالعان 17 جاستاعى قىزدىڭ ىزىنە ءتۇستى، دەپ حابارلايدى "ادىرنا" ۇلتتىق پورتالى.
وبلىستىق پوليتسيا دەپارتامەنتىندە ناقتىلانعانداي، 21 جاستاعى الماتى تۇرعىنىنان ءسىڭىلىسىنىڭ جوعالعانى تۋرالى ارىز 12 قىركۇيەكتە كەلىپ تۇسكەن. الماتىلىق كەلىنشەك 15 تامىز كۇنى ساعات 15:00 شاماسىندا اۋىلدا اجەسىمەن بىرگە تۇراتىن 17 جاستاعى ءسىڭىلىسىنىڭ جوعالعانى تۋرالى مالىمدەگەن.
جوعالعان قىزدى ىزدەۋگە قاراساي اۋداندىق پوليتسيا ءبولىمىنىڭ جەكە قۇرامى سونداي-اق قوعامدىق كومەكشىلەر مەن ەرىكتىلەر جۇمىلدىرىلدى، دەپ مالىمدەدى الماتى وبلىسى پد ءباسپاسوز قىزمەتى.
قاراساي اۋداندىق پوليتسيا ءبولىمىنىڭ جەدەل ۋاكىلدەرى (ايدوس سادىقوۆ پەن مەيىر بىرلىك) ىزدەۋدە جۇرگەن قىزدىڭ تۇرعان جەرىن انىقتاپ ۇلگەردى – ول جامبىل وبلىسىنىڭ اقشولاق ستانساسىنان تابىلدى.
ورىنعا كەتكەن جەدەل ۋاكىلدەر قاشقىندى تاۋىپ، ونى قامقورلىعىنداعى اجەسىنە قايتاردى.
الماتى وبلىسى دپ ءباسپاسوز قىزمەتى
كامەلەتكە تولماعان قاشقىن قىزدىڭ ايتۋىنشا، ول اپكەلەرىمەن جانجالداسىپ، ۇيدەن قاشىپ، داياشى بولىپ جۇمىسقا تۇرىپ، جالدامالى پاتەردە تۇرعان.
"ادىرنا" ۇلتتىق پورتالى
