تاريحتاعى سوڭعى التى جىل ەڭ ىستىق جىل بولدى، ءتىپتى پارنيكتىك گازدار شىعارىندىلارىمەن كۇرەسۋ بويىنشا بارلىق بولجامداردى ورىنداۋدا. بۇل جالعاسا بەرسە تاياۋ ونجىلدىقتاردا جەر تەمپەراتۋراسىنىڭ جالپى 2°س-تان استامعا كوتەرىلۋىنە اكەلەدى، دەپ حابارلايدى "ادىرنا" سايتى.
بۇل تۋرالى بىرىككەن ۇلتتار ۇيىمىنىڭ باس حاتشىسى انتونيۋ گۋتەرريش بۇۇ-نىڭ كليماتتىڭ وزگەرۋى جونىندەگى نەگىزدەمەلىك كونۆەنتسياسى (COP26) تاراپتارىنىڭ 26-كونفەرەنتسياسىندا ايتتى، دەپ جازادى تاسس.
ونىڭ ايتۋىنشا، قازبالى وتىنعا تاۋەلدىلىك ادامزاتتى تۇڭعيىققا يتەرمەلەپ وتىر.
بۇۇ باس حاتشىسى سونىمەن قاتار جەردىڭ ءبىزدىڭ كوز الدىمىزدا - مۇحيت تەرەڭىنەن تاۋ شىڭدارىنا دەيىن قالاي وزگەرىپ جاتقانىن اتاپ ءوتتى.
تەڭىز دەڭگەيى 30 جىل بۇرىنعىدان ەكى ەسە جىلدام كوتەرىلۋدە. مۇحيتتار بۇرىنعىدان دا ىستىق جانە تەز قىزۋدى جالعاستىرۋدا. الەم تەمپەراتۋرانىڭ 2,7 گرادۋس تسەلسي بويىنشا اپاتتى كوتەرىلۋىنە قاراي بەت الدى. ءبىز كليماتتىق اپاتقا جاقىنداپ بارامىز. وڭتايلى ستسەناري بويىنشا دا تەمپەراتۋرا تسەلسي بويىنشا 2 گرادۋستان جوعارى كوتەرىلەدى، دەدى باس حاتشى.
ول تەمپەراتۋرانىڭ 1,5°س-تان جوعارى كوتەرىلۋىنە جول بەرمەۋ ءۇشىن قولدان كەلگەننىڭ ءبارىن جاساۋعا شاقىردى.
"ادىرنا" ۇلتتىق پورتالى
