"سانالى ۇرپاق" كلۋبتارىنىڭ وبلىستىق سلەتى ءوتتى.

2386
Adyrna.kz Telegram

27 قازان ح.دوسمۇحامەدوۆ اتىنداعى اتىراۋ ۋنيۆەرسيتەتىنىڭ قابىرعاسىندا قوعامدا سىبايلاس جەمقورلىق، ادالدىق، پاراساتتىلىق كورىنىستەرىنە توزبەۋشىلىك مادەنيەتىن قالىپتاستىرۋ ماقساتىندا "سانالى ۇرپاق" كلۋبتارىنىڭ وبلىستىق سلەتى ءوتتى.

سلەت ايماقتاعى ءار كوللەدجدە ۇيىمداستىرىلعان "سانالى ۇرپاق" كلۋبتارىنىڭ بەلسەندىلەرى مەن جەتەكشىلەرىن بىرىكتىردى. ولاردىڭ قىزمەتى قۇقىقتىق ءبىلىم مەن سىبايلاس جەمقورلىققا قارسى مادەنيەتتى ناسيحاتتاۋعا باعىتتالعان.

ءىس - شاراعا ارنايى قوناق - "سانالى ۇرپاق" رەسپۋبليكالىق كلۋبىنىڭ جەتەكشىسى ك.توكۋشەۆ، سونداي-اق اتىراۋ وبلىسى بويىنشا سىبايلاس جەمقورلىققا قارسى قىزمەت دەپارتامەنتى باسشىسىنىڭ ءبىرىنشى ورىنباسارى ا. مامىت، "اتىراۋ-ادالدىق الاڭى" جوبالىق كەڭسەسىنىڭ جەتەكشىسىا. اديەۆا جانە ورتا ارناۋلى جانە جوعارى وقۋ ورىندارىنىڭ ستۋدەنتتەرى قاتىستى.

- "قازاقستاننىڭ جارقىن بولاشاعى ءبىلىمدى، تالاپتى جانە زيالى جاستاردىڭ قولىندا. سوندىقتان مەملەكەتتىڭ الەۋمەتتىك ساياساتىنىڭ نەگىزگى باسىمدىقتارىنىڭ ءبىرى عىلىم مەن ءبىلىم ساپاسىن دامىتۋ جانە ارتتىرۋ بولىپ تابىلادى. سىبايلاس جەمقورلىققا قارسى مادەنيەتتى قالىپتاستىرۋ جانە سىبايلاس جەمقورلىق قۇقىق بۇزۋشىلىقتاردى جويۋ ماقساتىندا ءبىلىم بەرۋ مەكەمەلەرىندە اگەنتتىكتىڭ باستاماسى بويىنشا "Sanaly urpaq", "ادال ۇرپاق" جوبالارى ىسكە اسىرىلۋدا. قازىرگى ۋاقىتتا 23 كوللەدج بەن 3 جوعارى وقۋ ورنىندا 700 – دەن استام مۇشەسى بار، - دەپ اتاپ ءوتتى اتىراۋ وبلىسىنىڭ سىبايلاس جەمقورلىققا قارسى قىزمەتى باسشىسىنىڭ ءبىرىنشى ورىنباسارى ا.مامىت.

سلەتتە پاراساتتىلىق يدەياسى نەگىزىندە جاستار اراسىندا سىبايلاس جەمقورلىققا قارسى مادەنيەتتى قالىپتاستىرۋ بويىنشا ءبىلىم بەرۋ، اقپاراتتىق سيپاتتاعى كەشەندى شارالار ايتىلدى.

ءىس-شارا بارىسىندا سىبايلاس جەمقورلىققا قارسى زاڭنامانىڭ جانە سىبايلاس جەمقورلىققا قارسى مادەنيەتتى قالىپتاستىرۋدىڭ وزەكتى ماسەلەلەرى تالقىلاندى، ستۋدەنتتەر وزدەرىنىڭ بەينەپرەزەنتاتسيالارىن ۇسىندى، ولاردا سىبايلاس جەمقورلىق سياقتى الەۋمەتتىك زۇلىمدىققا دەگەن كوزقاراسىن كورسەتىپ، قوعامنىڭ پاراساتتىلىعىنا شاقىردى، وزدەرىنىڭ اكتەرلىك قابىلەتتەرىن كورسەتە وتىرىپ، سيۋجەتتىك قويىلىمداردى دايىندادى.

سىبايلاس جەمقورلىققا قارسى مادەنيەتتىڭ الدىن الۋ ىسىندەگى ەڭ بەلسەندى جانە ەرەكشە كوزگە تۇسكەن جاستار ديپلومدارمەن جانە گراموتالارمەن ماراپاتتالدى.

پىكىرلەر