ميتينگىگە "ەل تىرەگى" پارتياسىنىڭ توراعاسى نۇرجان التاەۆ، "دات" گازەتىنىڭ باس وقىرمانى ەرمۇرات باپي، جۋرناليست گۇلجان ەرعاليەۆا، قوعام بەلسەندىلەرى مۇرات مۇحامەدجانوۆ، اسەت ناۋرىزباەۆ، ەلمار حۇسايىنوۆ، ورازباي ورمان، مەڭدوس ورازباەۆتار سىندى بىرقاتار قوعام قايراتكەرلەرى قاتىسىپ، ءوز ۇندەرىن قوستى.
بەلسەندىلەر اراسىندا بەلگىلى رەپەر، ەل جاناشىرى جان احماديەۆ تە بولىپ، ورتاعا ءوز ونەرىن پاش ەتتى.
ەستەرىڭىزگە سالا كەتەيىك، قىركۇيەك ايىنىڭ باسىندا قازاقستان ۇكىمەتى مەن رەسەيلىك "سبەر" كومپانيالار توبى قول قويعان مەموراندۋمنىڭ ءماتىنى جاريالانعان بولاتىن. ونداعى اقپاراتقا سايكەس، قازاقستان رەسەيلىك "سبەربانكتىڭ" IT-پلاتفورماسىن 500 ملن دوللارعا ساتىپ الماق. سوعان سايكەس E-gov-قا بالاما رەتىندە GovTech جۇيەسى "سبەردىڭ" Platform V پلاتفورماسىنا نەگىزدەلىپ جاسالادى.
شەرۋدى ۇيىمداستىرۋشىلار بۇل كەلىسىم قازاقستاننىڭ ۇلتتىق قاۋىپسىزدىگىنە، مەملەكەت تۇتاستىعى مەن ەگەمەندىگىنە قاۋىپ توندىرەدى دەپ ەسەپتەيدى. ەل ىشىندە بۇل مەموراندۋمعا بايلانىستى ءتۇرلى نارازى پىكىرلەر دە كوبەيىپ، "قازاقستاننىڭ اقپاراتتىق جۇيەلەرىنىڭ دامۋىن، باقىلاۋىن باسقا ەلگە سەنىپ تاپسىرۋعا بولمايدى", "رەسەيدىڭ قولىنا ءتۇسۋ قاۋپى بار", "رەسەي بيلىگىنىڭ قىسىمى" - دەپ قاتاڭ سىنعا الىنۋدا.
"ادىرنا" ۇلتتىق پورتالى