Mıtıngige "El tiregi" partııasynyń tóraǵasy Nurjan Áltaev, "Dat" gazetiniń bas oqyrmany Ermurat Bapı, jýrnalıst Gúljan Erǵalıeva, qoǵam belsendileri Murat Muhamedjanov, Áset Naýryzbaev, Elmar Husaıynov, Orazbaı Orman, Meńdos Orazbaevtar syndy birqatar qoǵam qaıratkerleri qatysyp, óz únderin qosty.
Belsendiler arasynda belgili reper, el janashyry Jan Ahmadıev te bolyp, ortaǵa óz ónerin pash etti.
Esterińizge sala keteıik, qyrkúıek aıynyń basynda Qazaqstan úkimeti men reseılik "Sber" kompanııalar toby qol qoıǵan memorandýmnyń mátini jarııalanǵan bolatyn. Ondaǵy aqparatqa sáıkes, Qazaqstan reseılik "Sberbanktiń" IT-platformasyn 500 mln dollarǵa satyp almaq. Soǵan sáıkes E-gov-qa balama retinde GovTech júıesi "Sberdiń" Platform V platformasyna negizdelip jasalady.
Sherýdi uıymdastyrýshylar bul kelisim Qazaqstannyń ulttyq qaýipsizdigine, memleket tutastyǵy men egemendigine qaýip tóndiredi dep esepteıdi. El ishinde bul memorandýmǵa baılanysty túrli narazy pikirler de kóbeıip, "Qazaqstannyń aqparattyq júıeleriniń damýyn, baqylaýyn basqa elge senip tapsyrýǵa bolmaıdy", "Reseıdiń qolyna túsý qaýpi bar", "Reseı bıliginiń qysymy" - dep qatań synǵa alynýda.
"Adyrna" ulttyq portaly
