الماتى وبلىسى كەربۇلاق اۋدانى اكىمدىگى جۇك تيەگىشتىڭ الدىنا شىققان ايەلدىڭ ۆيدەوسىن "ارانداتۋ" دەپ اتادى. سونداي-اق، اكىمدىك كومىر جەتكىلىكتى ەكەنىن ايتىپ، تۇرعىنداردان ۇرەيلەنبەۋدى سۇرادى، دەپ حابارلايدى "ادىرنا" ۇلتتىق پورتالى.
- دۇربەلەڭ تۋدىرماۋدى سۇرايمىز. ءيا، ينتەرنەتتە جۇك تيەگىشتىڭ الدىندا وتىرعان ايەلدىڭ ۆيدەوسى تاراپ كەتتى. مۇنىڭ ءبارى ارانداتۋ. بۇگىندە كەربۇلاق ءوڭىرى تۇرعىندارىنا كومىر ساتۋ جۇمىستارى جۇرگىزىلىپ جاتىر: "سانچەز" جك (شۇباركول), "ساۋداكومىر" جشس (قاراجىرا). سارىوزەك ستانتسياسىنا قازاندا 42 ۆاگون جەتكىزىلدى. بۇگىندە سارىوزەك ستانتسياسىندا 10 ۆاگون بار. ءبارى تارتىپپەن جۇرگىزىلىپ جاتىر، - دەدى كەربۇلاق اۋدانىنىڭ اكىمى عالياسقار سارىباەۆ.
اكىمدىك كەربۇلاق اۋدانى تۇرعىندارىنىڭ جىلۋ بەرۋ ماۋسىمىنداعى كومىرگە سۇرانىسى 74 مىڭ توننا بولاتىنىن، ونىڭ 52,8 مىڭ تونناسى، ياعني 71 پايىزى ساتىلعانىن ايتتى. الماتى وبلىسىنا ورتا ەسەپپەن تاۋلىگىنە 90 ۆاگون كومىر جەتكىزىلەدى. بۇگىندە 926,3 مىڭ توننا نەمەسە 68 پايىزى ساتىلدى، جازعى كەزەڭدەگى قويمالاردا قالدىق 13,3 مىڭ توننا كومىر بار. وڭىردە 77 كومىر وشاعى مەن قويماسى بار، ونىڭ ىشىندە 50-ءى كومىر وشاعى، 27 قويما جانە رايىمبەك اۋدانىنداعى ويقاراعاي كومىر كەنىشى.
- ءوڭىر بويىنشا ءبىر توننا كومىردىڭ ورتاشا باعاسى 14-14,5 مىڭ تەڭگە. تەمىرجول قاتىناسى جوق وڭىرلەردە كومىر اۆتوكولىكپەن جەتكىزىلەدى، بۇل كومىردىڭ باعاسىنا اسەر ەتەدى. مۇنداي ايماقتاردا جەتكىزىلىمدەردى ەسەپكە الماعاندا باعا 19-20 مىڭ تەڭگەگە دەيىن جەتەدى. اۋداندار مەن قالالار اكىمدىگى جاز مەزگىلىندە قاتتى وتىندى الدىن الا ساتىپ الۋ قاجەتتىگى بويىنشا تۇراقتى نەگىزدە تۇسىندىرمە جۇمىستارىن جۇرگىزدى. قاتتى وتىن ساتىپ العىسى كەلەتىندەردىڭ سۇرانىسى كومىردىڭ جاساندى تاپشىلىعىنا اكەلدى، - دەپ ءتۇسىندىردى اكىمدىك.
پوسموترەت ەتۋ پۋبليكاتسيۋ ۆ Instagram
"كومىر تاپشىلىعىن بولدىرماۋ ءۇشىن كومىردى جەتكىزۋ جوسپارى جاسالدى. كۇن سايىن "قتج – جۇك تاسىمالى" الماتى فيليالى" اق-مەن بىرلەسىپ، كومىر شاحتالارىنان كومىردىڭ جونەلتىلۋىنە مونيتورينگ جۇرگىزىلىپ وتىر. تۇرعىندار اراسىندا تۇسىندىرمە جۇمىستارى جۇرگىزىلىپ جاتىر، جەتكىزۋ جۇمىستارى جۇرگىزىلەدى. كومىردى تەمىرجول قاتىناسى جوق اۋداندارعا ۆاگونمەن جەتكىزۋ جولعا قويىلعان. كومىر باعاسىنىڭ نەگىزسىز وسۋىنە جول بەرمەۋگە ەرەكشە نازار اۋدارىلعان", - دەدى اكىمدىك وكىلدەرى.
"ادىرنا" ۇلتتىق پورتالى
