قازاقستانداعى قىمباتشىلىقتىڭ ءبىر سەبەبى، قىتاي شەكاراسىندا كەپتەلىس دەپ كاسىپكەرلەر شۋلاپ جۇرگەلى تالاي بولدى. ول كەزدە كورشىمىز نە ىستەيدى؟
قازاقستاندىق تاۋاردى ءتۇرلى جەلەۋمەن شەكاراعا ۇيگىزىپ قويعان، ال ەۋروپاعا قازاقستان ارقىلى كۇنى-ءتۇنى تەڭ-تەڭ جۇك باسقان پويىزدارى اعىلىپ جاتىر. ولارعا قىتاي ۇكىمەتى سۋبسيديا بەرگەن.
قازاقستاندىق جۇك پويىزدارىنا سۋبسيديا بار ەدى، ونى الىپ تاستاعان. جۇك كولىگىن توقتاتقان.
توبەسى جابىق ۆاگونداردى كىرگىزبەيدى. بىزدىكىلەر كەلىسسوز جۇرگىزدىك، ۆاگون سانى ارتادى دەگەنمەن، قىتاي جاعىنا ول ءبىرىنشى ەمەس، ءۇشىنشى، الدە بەسىنشى ساناتتاعى ماسەلە سياقتى. ەۋروپا نارىعى ماڭىزدى.
سالدارى سول بىزدە تاۋار قىمباتتاپ جاتىر. كافەل سياقتى قۇرىلىس زاتتارى ءبىر جىلدا ون رەت قىمباتتاعان. وندىرۋشىلەر ءۇشىن شيكىزات جوق، ءونىم كولەمىن، قىزمەتكەرلەرىن قىسقارتىپ جاتىر. امالسىز ءونىمى مەن قىزمەت باعاسىن كوتەرۋدە. قىتايمەن كىندىگى ءبىر كەيبىر كومپانيالار بانكروت بولۋدىڭ الدىندا. تەندەرشىلەر مەملەكەت الدىنداعى تاپسىرىستى ورىنداي الماي قينالىپ جاتىر. قانشاما ادام تابىستان ايىرىلادى. سالىق ءتۇسىمى ازايادى. الىپ-ساتۋ، ءوندىرۋ جاعىنان، ەكونوميكامىز كورشىگە كادىمگىدەي تاۋەلدى ەكەن. تەنتىرەتپەسە دە، السىرەتە الادى.
ەربول ازانبەك.
"ادىرنا" ۇلتتىق پورتالى.
