Qazaqstandaǵy qymbatshylyqtyń bir sebebi, Qytaı shekarasynda keptelis dep kásipkerler shýlap júrgeli talaı boldy. Ol kezde kórshimiz ne isteıdi?
Qazaqstandyq taýardy túrli jeleýmen shekaraǵa úıgizip qoıǵan, al Eýropaǵa Qazaqstan arqyly kúni-túni teń-teń júk basqan poıyzdary aǵylyp jatyr. Olarǵa qytaı úkimeti sýbsıdııa bergen.
Qazaqstandyq júk poıyzdaryna sýbsıdııa bar edi, ony alyp tastaǵan. Júk kóligin toqtatqan.
Tóbesi jabyq vagondardy kirgizbeıdi. Bizdikiler kelissóz júrgizdik, vagon sany artady degenmen, Qytaı jaǵyna ol birinshi emes, úshinshi, álde besinshi sanattaǵy másele sııaqty. Eýropa naryǵy mańyzdy.
Saldary sol bizde taýar qymbattap jatyr. Kafel sııaqty qurylys zattary bir jylda on ret qymbattaǵan. Óndirýshiler úshin shıkizat joq, ónim kólemin, qyzmetkerlerin qysqartyp jatyr. Amalsyz ónimi men qyzmet baǵasyn kóterýde. Qytaımen kindigi bir keıbir kompanııalar bankrot bolýdyń aldynda. Tendershiler memleket aldyndaǵy tapsyrysty oryndaı almaı qınalyp jatyr. Qanshama adam tabystan aıyrylady. Salyq túsimi azaıady. Alyp-satý, óndirý jaǵynan, ekonomıkamyz kórshige kádimgideı táýeldi eken. Tentiretpese de, álsirete alady.
Erbol AZANBEK.
"Adyrna" ulttyq portaly.
