ەم الىپ جاتقان سوڭ ەشقانداي داۋ-دامايعا ارالاسپاي تىنىش قانا جاتايىن دەسەڭ بولمايدى عوي، بولمايدى. تولەرانتتى بولۋىمىز كەرەك دەيدى، سول كەزدە جاعدايىمىز وڭالىپ، كوسەگەمىز كوگەرەدى ەكەن، كەڭ بولساڭ كەم بولمايسىڭ دەيدى. تۇرا تۇرىڭدار!
سىزدەر قاي ەلدە، قاي جەردە كوردىڭدەر ءبىر ەتنوستىڭ وزگە ەلگە قونىستانىپ، سول جەردەن ءوز اۋىلىن، ءوز اۋدانىن قۇرىپ، وعان تەك ءوز ۇلتىنىڭ اكىمىن تاعايىنداپ، جەكەگە قوسا مەملەكەتتىك قىزمەت سالاسىن تەك ءوز تىلدەرىنە يكەمدەپ، ءوز ۇلتىن عانا جۇمىسقا الىپ وتىرعان؟
سوندا بۇل – قازاق تاراپىنان ولارعا كورسەتىلگەن كەڭدىك ەمەس پە؟ ەندى سول ءۇشىن قازاق حالقىنا، قازاق تىلىنە، قازاق مەملەكەتتىلىگىنە سىي-قۇرمەت تالاپ ەتۋىمىز ورىنسىز بولا ما؟ ماعان باتاتىنى ءدال وسى تاقىرىپتاعى داۋ-داماي باسقا ەمەس ءوز ارامىزدا وربىگەنى.
ءداپ ءبىر قازاقستاندا قازاق ماسەلەسى، قازاق ءتىلى، ءدىنى، ءدىلى ماسەلەسى جوقتاي، الدەقاشان وسكەن-ونگەن فرانتسۋزبەن، اعىلشىنمەن سالىستىرا سويلەيتىن «اقىلدىلارعا» تاڭىم بار. ەندى ءبىر توپتىڭ لوگيكاسىنا سالساڭ، «تاسپەن جاپالاقتى ۇرساڭ دا، جاپالاق ولەدى، جاپالاقپەن تاستى ۇرساڭ دا جاپالاق ولەدىنىڭ» كەرى، نە جاعداي بولسا دا قازاق ءوزى كىنالىدەن تانبايدى.
كەيىنىرەك تولىقتىرىپ جازا جاتارمىن، بىراق مەن ءۇشىن ءبىر نارسە انىق، ايقىن – بيىل دا، كەلەر جىلى دا، ودان كەيىنگى جىلدار دا قازاق پەن ارميان، قازاق پەن ۇيعىر، قازاق پەن وزبەك ت.ب.ت.ت. جىر بىتپەيدى. ويتكەنى، ونىڭ سەبەپ سالدارى كوپ، وتە كوپ، الىسقا بارماي اق، قولدانىستاعى زاڭنامامەن جۇمىس جاساپ وتىرعان تىلمايداندىقتاردىڭ قىزمەتىن اباەۆ باستاپ، توقاەۆ قوستاپ – ۇڭگىردەگى ۇلتشىلدىققا تەڭەپ، راديكال اتاندىرىپ وتىرعان مەملەكەت، ۇلت ساياساتىن وزگەرتپەيىنشە (ال ولار ءوز ەرىكتەرىمەن وزگەرتپەيدى) وسى كورگەنىمىز كورگەن.
تۇرمىستىق دەڭگەيدەگى ۇلتتىق ماسەلە كەيبىرەۋلەر ويلاعانداي وڭاي-وسپاق ماسەلە ەمەس، ەلدى توڭكەرىپ جىبەرەتىن كۇشكە يە، بىراق ونى فەيسبۋكتە وتىرعان تەورەتيكتەرگە ءتۇسىنۋ قيىن.
