پرەزيدەنت تاپسىرماسى: مۇمكىندىگى شەكتەۋلى جاندار جىل سايىن وتەتىن كوميسسيا پروتسەسى بارىنشا جەڭىلدەتىلدى

2492
Adyrna.kz Telegram

پرەزيدەنت تاپسىرماسىنا سايكەس، بۇگىنگى كۇنى مۇمكىندىگى شەكتەۋلى جاندارعا بارىنشا جاعداي جاساۋ ءۇشىن كەشەندى جۇمىستار جۇرگىزىلىپ جاتىر. بۇل تۋرالى «حابار 24» تەلەارناسىنداعى «انىعىن ايتقاندا» باعدارلاماسىندا قر پرەزيدەنتىنىڭ كومەكشىسى ەرلان قارين ايتتى، دەپ حابارلايدى «ادىرنا» ءتىلشىسى قازاقپاراتقا سىلتەمە جاساپ.

ەفير بارىسىندا ەرلان كارين مەملەكەت باسشىسى ۇلتتىق قوعامدىق سەنىم كەڭەسىنىڭ V وتىرىسىندا كوتەرگەن ماسەلەلەرگە توقتالدى.

«سوڭعى جىلدارى سالىنعان نىسانداردا مۇگەدەكتەرگە ارنالعان پاندۋستار قاراستىرىلعان. بۇرىن سالىنعان عيماراتتاردا جوق. پرەزيدەنت وسى ماسەلەنى شەشۋدىڭ جولىن ايتتى. ول «مۇمكىندىگى شەكتەۋلى ازاماتتار ءجيى باراتىن عيماراتتاردىڭ ءتىزىمى مەن قولجەتىمدى نىسانداردىڭ كارتاسىن ازىرلەۋ كەرەك»، –دەدى.

وسىعان وراي، قازىر مۇمكىندىگى شەكتەۋلى ازاماتتاردى الەۋمەتتىك قورعاۋ بويىنشا ارنايى پورتال بار. سول پورتالدا كارتانىڭ العاشقى جوباسى دايىندالدى. ونىڭ ىشىندە 35 مىڭعا جۋىق وسىنداي نىسان ەنگىزىلدى. الداعى ەكى-ءۇش جىلدا تاعى قوسىمشا 20 مىڭ عيمارات تىزىمگە قوسىلادى. سودان كەيىن ولار مۇگەدەك ادامدارعا ىنعايلى ەتىپ جاسالادى»، - دەيدى پرەزيدەنت كەڭەسشىسى. سونىمەن قاتار، ول پرەزيدەنت مۇمكىندىگى شەكتەۋلى ازاماتتاردىڭ مۇگەدەكتىگىن راستاۋ ءۇشىن جىل سايىن وتەتىن كوميسسيا پروتسەسىن بارىنشا جەڭىلدەتۋگە تاپسىرما بەرگەنىن تىلگە تيەك ەتتى.

«جىل سايىن مۇمكىندىگى شەكتەۋلى ازاماتتار وزدەرىنىڭ مۇگەدەكتىگىن راستاۋ ءۇشىن كوميسسيادان ءوتۋ كەرەك. ودان وتۋگە كەيبىر ادامداردىڭ جاعدايى كەلمەيدى. مەملەكەت باسشىسىنىڭ تاپسىرماسىنا سايكەس، پروتسەستى جەڭىلدەتۋ ءۇشىن قاشىقتان ءوتۋ جوباسى قولعا الىندى. بۇگىنگى كۇنى بۇل جوبا بىرنەشە وبلىستا جۇزەگە اسىپ جاتىر»، - دەيدى ەرلان كارين.

پىكىرلەر