Ashhabadta qarańǵyda kezek kórinbeýi úshin memlekettik dúkenderdegi nan saýdasy tańerteń ertege aýystyryldy. Bul týraly Azatlyk radıosy málimdedi,dep habarlaıdy “Adyrna” ulttyq portaly.
Nannyń memlekettik baǵasy naryq baǵasynan shamamen 10 ese tómen, dep túsindiredi redakııa. Un men azyq-túlik tapshylyǵy jaǵdaıynda bul úlken kezektiń paıda bolýyna ákeledi. Redakııaǵa jiberilgen vıdeoda júzdegen adamnyń, onyń ishinde kishkentaı balalardyń nanǵa kezekte turǵany kórsetilgen. Nan tańǵy saǵat beste, tań atqannan 2 jarym saǵat buryn satylymǵa shyǵady.
Sáýir aıynda «Azattyq» radıosynyń Túrkimen qyzmeti eldegi aımaqtyq bılik prezıdent Gýrbangýly Berdimuhamedovtiń bedelin túsirmeý úshin azamattarǵa azyq-túlik dúkenderiniń aldynda kezekke turýǵa tyıym salǵanyn habarlady.
Túrkimenstan sońǵy jyldary tereń ekonomıkalyq daǵdarysqa ushyrady. Tabıǵı gaz qory boıynsha álemde tórtinshi orynda turǵan el azyq-túlik tapshylyǵyn bastan keshirýde. Halyqtyń qolma-qol aqshasy jetpeı, zattaı aıyrbasqa kóship jatqany habarlandy.
El bıligi bul máseleni joqqa shyǵarady. Maýsym aıynda Dúnıejúzilik bank senimdi statıstıkanyń joqtyǵynan Túrkimenstandy jahandyq ekonomıkalyq perspektıvalar týraly esepten shyǵaryp tastaǵany belgili boldy. Sáýir aıynda Halyqaralyq valıýta qory Túrkimenstannyń resmı memlekettik statıstıkasyn paıdalanýdy toqtatty.
“Adyrna” ulttyq portaly
