قىتاي تاجىكستانعا اسكەري بازا سالىپ بەرمەك

578

تاجىكستان بيلىگى قىتاي تاۋلى باداحشان اۆتونوميالىق وبلىسىندا اسكەريلەندىرىلگەن بازا سالاتىنىن، ول تاجىكستان قاۋىپسىزدىك كۇشتەرىنە تيەسىلى بولاتىنىن مالىمدەدى دەپ حابارلايدى "ادىرنا" ۇلتتىق پورتالى "ازاتتىق راديوسى" قىزمەتىنە سىلتەمە جاساپ. 

بۇل قاۋىپسىزدىك نىسانى اۋعانستاندى تالىپتەردىڭ باسىپ الۋىنا بايلانىستى تاجىكستان ىشكى ىستەر مينيسترلىگى مەن قىتاي قاۋىپسىزدىك مينيسترلىگى اراسىنداعى كەلىسىم اياسىندا سالىنادى.

تاۋلى باداحشان اۆتونوميالىق وبلىسى قىتاي جانە اۋعانستانمەن شەكارالاس ورنالاسقان. تاجىكستان ىشكى ىستەر ءمينيسترىنىڭ ءبىرىنشى ورىنباسارى ابدۋراحمون الامشوزودا 27 قازاندا پارلامەنتتە نىساننىڭ تاۋلى باداحشان اۆتونوميالىق وبلىسى يشقاشىم اۋدانىنا قاراستى ۆاحان اۋىلىندا سالىناتىنىن حابارلادى.

پارلامەنت ءماجىلىسىنىڭ دەپۋتاتى توليبحون ازيمزودا بۇل ارنايى بازا تاجىكستاننىڭ ىشكى ىستەر مينيسترلىگىنە قارايتىنىن ايتتى. ونىڭ ايتۋىنشا، بازانى سالۋ كەزىندە تاجىكستانعا قىتايدان اكەلىنەتىن بارلىق قۇرال-جابدىقتار مەن تەحنيكالار كەدەندىك باج سالىعىنان بوساتىلعان. "قۇرىلىس بيۋدجەتى 55 ميلليون قىتاي يۋانىنا باعالانادى، بۇل شامامەن 100 ميلليون سومونيگە تەڭ", - دەدى دەپۋتات.

 

"ادىرنا" ۇلتتىق پورتالى

پىكىرلەر
رەداكتسيا تاڭداۋى