ەل تاۋەلسىزدىگىنىڭ 30 جىلدىعى اياسىندا ماڭعىستاۋ وبلىسى قاراقيا اۋدانىندا 116 وتباسى باسپانالى بولدى دەپ حابارلايدى "ادىرنا" ۇلتتىق پورتالى.
بۇل تۋرالى قوعامدىق كوممۋنيكاتسيا ورتالىعىندا وتكەن بريفينگىدە قاراقيا اۋدانىنىڭ اكىمى قىدىربەردى بەكوۆ ءمالىم ەتتى.
ونىڭ ايتۋىنشا، جاڭا 2 تۇرعىن ءۇي جەتىباي اۋىلىندا ورنالاسقان. ءار ءۇي 3 قاباتتان، 72 پاتەردەن تۇرادى. بارلىعى 144 پاتەر. قۇرىلىس 2020 جىلى باستالىپ، بيىل تاپسىرىلدى. جوبا "نۇرلى جەر" باعدارلاماسى اياسىندا جۇزەگە اسقان.
"جاڭا ۇيلەرگە ينجەنەرلىك-ينفراقۇرىلىمدىق جەلىلەرى تولىق تارتىلدى. ەل تاۋەلسىزدىگىنىڭ 30 جىلدىعى قارساڭىندا جەتىباي اۋىلىنداعى 105 وتباسى باسپانالى بولسا، قۇرىق اۋىلىنان 9, مۇنايشىدان 2 وتباسى پاتەر الدى. بارلىعى 116 ءۇيدىڭ كىلتى يەسىنە تابىستالدى. ايتا كەتەيىن، بۇل پاتەرلەر از قامتىلعان جانە كوپبالالى ساناتىنداعى وتباسىلارعا، تۇل جەتىم بالالار مەن تۇرعىن ءۇيى اپاتتىق دەپ تانىلعان وتباسىلارعا عانا بەرىلدى", - دەدى قىدىربەردى بەكوۆ.
ايتا كەتەيىك، جىل سوڭىنا دەيىن اۋدانداعى الەۋمەتتىك ساناتقا كىرەتىن تاعى 75 وتباسى باسپانالى بولادى.
"ادىرنا" ۇلتتىق پورتالى.
