El Täuelsızdıgınıŋ 30 jyldyǧy aiasynda Maŋǧystau oblysy Qaraqiia audanynda 116 otbasy baspanaly boldy dep habarlaidy "Adyrna" ūlttyq portaly.
Būl turaly Qoǧamdyq kommunikasiia ortalyǧynda ötken brifingıde Qaraqiia audanynyŋ äkımı Qydyrberdı Bekov mälım ettı.
Onyŋ aituynşa, jaŋa 2 tūrǧyn üi Jetıbai auylynda ornalasqan. Är üi 3 qabattan, 72 päterden tūrady. Barlyǧy 144 päter. Qūrylys 2020 jyly bastalyp, biyl tapsyryldy. Joba "Nūrly jer" baǧdarlamasy aiasynda jüzege asqan."Jaŋa üilerge injenerlık-infraqūrylymdyq jelılerı tolyq tartyldy. El Täuelsızdıgınıŋ 30 jyldyǧy qarsaŋynda Jetıbai auylyndaǧy 105 otbasy baspanaly bolsa, Qūryq auylynan 9, Mūnaişydan 2 otbasy päter aldy. Barlyǧy 116 üidıŋ kıltı iesıne tabystaldy. Aita keteiın, būl päterler az qamtylǧan jäne köpbalaly sanatyndaǧy otbasylarǧa, tūl jetım balalar men tūrǧyn üiı apattyq dep tanylǧan otbasylarǧa ǧana berıldı", - dedı Qydyrberdı Bekov. Aita keteiık, jyl soŋyna deiın audandaǧy äleumettık sanatqa kıretın taǧy 75 otbasy baspanaly bolady.
"Adyrna" ūlttyq portaly.
