نۇر-سۇلتان قالاسىندا بورىشكەر تولەنبەگەن ايىپپۇلدارى ءۇشىن كولىگىن الۋعا كەلگەن جەكە سوت ورىنداۋشىسىنا بالتامەن شابۋىل جاسادى دەپ حابارلايدى "ادىرنا" ۇلتتىق پورتالى.
نۇر-سۇلتانداعى جەكە سوت ورىنداۋشىلارىنىڭ وڭىرلىك پالاتاسىنىڭ مالىمەتىنشە، بورىشكەر كولىگىن تارتىپ الماق بولعان جەكە سوت ورىنداۋشىسىنا شابۋىل جاساعان. ەر ادام 302 176 تەڭگە كولەمىندەگى اكىمشىلىك ايىپپۇلدى، سونداي-اق بانك پايداسىنا شەشىلگەن 358 728 تەڭگەنى تولەمەگەن.
سوت ورىنداۋشىلارىنىڭ قاتىسۋىمەن مىندەتتەمەنى ورىنداماعان ازاماتقا قاتىستى قاماۋعا الۋ جانە شەكتەۋ شارالارى قولدانىلعان، سونىمەن قاتار ونىڭ "ۆاز-2115" اۆتوكولىگىن كەپىلدگە الۋ تۋرالى قاۋلى شىعارىلدى.
بۇگىن تاڭەرتەڭ سوت ورىنداۋشىسى كولىكتى الىپ كەتپەك بولعان، بىراق ەر ادام ءوزىن اگرەسسيۆتى ۇستاپ، قولىنا بالتا الىپ، سوت ورىنداۋشىسى مەن پوليتسيا قىزمەتكەرلەرىنە شابۋىل جاساعان.
"ادىرنا" ۇلتتىق پورتالى.
