بەكبولات قارجان: قاراقۇرتتاي قاپتاعان كوۋچ پەن ترەنينگشىلەردىڭ كوبىسى الاياقتار

1070

قوعامدا قاراقۇرتتاي تاراپ جاتقان كوۋچ، موتيۆاتور، ترەنينگشىلەردىڭ كوبىسى ناعىز الاياقتار. مۇنىڭ استارى وتە تەرەڭدە. ونى ەلدىڭ ەكونوميكالىق ساياساتىنىڭ دۇرىس باعىتتا بولماعاندىعى مەن حالىقتىڭ الاۋقاتىنىڭ ناشارلىعىنان كورۋگە بولادى. وسى الاياقتارعا قارسى پىكىر ايتساق، "امەريكادا دا وسىنداي، ەۋروپادا دا وسىنداي" دەپ قاقىلداپ شىعا كەلەدى. امەريكا مەن ەۋروپا الدەقاشان عىلىم مەن ءوندىرىستىڭ، تەحنولوگيانىڭ دەرجاۆالارىنا اينالىپ، دامۋدىڭ داڭعىل جولى مەن جۇيەسىنە ءتۇسىپ قويعان. ولاردا مەملەكەتتىك ماشينانىڭ جۇمىسى وركەنيەتتى جولمەن جۇمىس ىستەيدى.

ال، ءبىزدىڭ ەلدە ءوندىرىس تە، عىلىم دا، ەكونوميكا دا اقساپ قالعان، جۋىق ارادا تاسى ورگە دومالايدى
دەگەنگە ەشكىم سەنە قويماس. وتاندىق عىلىمى مەن ءوندىرىسى جوق ەلدە ارينە، سىرتقى ەلدەر مەن سىرتقى
نارىققا تاۋەلدىلىك كوەففيتسيەنتى جوعارى بولادى. سوندىقتان ەكونوميكالىق تاۋەلدىلىك، ءال-اۋقاتتىڭ
ناشارلىعىنان شارشاعان حالىق وسىنداي الاياقتاردىڭ قۇربانى بولىپ جاتادى. سوندىقتان دا ءبىز سياقتى ەلدەردە الاياق ترەنينگشىلەر مەن كوۋچتاردىڭ قاپتاپ، حالىقتى الداپ سوعۋى زاڭدىلىق. ونىڭ باسىندا اينۇر تۇرسىنباەۆا، پالەنشەباەۆا، تۇگەنشەباەۆالار كوش باستاپ تۇر. وسى پالەنشەبەاۆا،
تۇگەنشەباەۆالاردىڭ جۇيەلى تۇردە اينالىسىپ وتىرعان ءبىلىم مەن عىلىمعا نەگىزدەلگەن ءبىر دە ءبىر
بيزنەستەرى جوق. قاقىلداعان 10 مەترلىك ءتىلى عانا بار.

بويىندا ار-ۇجدانى مەن ۇياتى، نامىسى مەن ادامدىعى بار ادامدار ەشقاشان دا جەڭىل اقشا تابۋعا
ۇمتىلمايدى ءارى ەلدى الداپ سوقپايدى. سوندىقتان بۇلعارعا سەنبەڭىزدەر! بۇلار قۇندىلىقسىز پەندەلەر!
ال ەگەر دە، ناعىز بيزنەستىڭ قىر-سىرىن تەرەڭ يگەرگەن ازاماتتار ايتىپ جاتسا، وندا اڭگىمە باسقا.

"ادىرنا" ۇلتتىق پورتالى

پىكىرلەر
رەداكتسيا تاڭداۋى