Qoǵamda qaraqurttaı tarap jatqan koých, motıvator, trenıngshilerdiń kóbisi naǵyz alaıaqtar. Munyń astary óte tereńde. Ony eldiń ekonomıkalyq saıasatynyń durys baǵytta bolmaǵandyǵy men halyqtyń álaýqatynyń nasharlyǵynan kórýge bolady. Osy alaıaqtarǵa qarsy pikir aıtsaq, "Amerıkada da osyndaı, Eýropada da osyndaı" dep qaqyldap shyǵa keledi. Amerıka men Eýropa áldeqashan ǵylym men óndiristiń, tehnologııanyń derjavalaryna aınalyp, damýdyń dańǵyl joly men júıesine túsip qoıǵan. Olarda memlekettik mashınanyń jumysy órkenıetti jolmen jumys isteıdi.
Al, bizdiń elde óndiris te, ǵylym da, ekonomıka da aqsap qalǵan, jýyq arada tasy órge domalaıdy
degenge eshkim sene qoımas. Otandyq ǵylymy men óndirisi joq elde árıne, syrtqy elder men syrtqy
naryqqa táýeldilik koeffııenti joǵary bolady. Sondyqtan ekonomıkalyq táýeldilik, ál-aýqattyń
nasharlyǵynan sharshaǵan halyq osyndaı alaıaqtardyń qurbany bolyp jatady. Sondyqtan da biz sııaqty elderde alaıaq trenıngshiler men koýchtardyń qaptap, halyqty aldap soǵýy zańdylyq. Onyń basynda Aınur Tursynbaeva, Pálenshebaeva, Túgenshebaevalar kósh bastap tur. Osy Pálenshebeava,
Túgenshebaevalardyń júıeli túrde aınalysyp otyrǵan bilim men ǵylymǵa negizdelgen bir de bir
bıznesteri joq. Qaqyldaǵan 10 metrlik tili ǵana bar.
Boıynda ar-ujdany men uıaty, namysy men adamdyǵy bar adamdar eshqashan da jeńil aqsha tabýǵa
umtylmaıdy ári eldi aldap soqpaıdy. Sondyqtan bulǵarǵa senbeńizder! Bular qundylyqsyz pendeler!
Al eger de, naǵyz bıznestiń qyr-syryn tereń ıgergen azamattar aıtyp jatsa, onda áńgime basqa.
"Adyrna" ulttyq portaly
