اۋعانستاننىڭ گەرات قالاسىندا تاليبان سودىرلارى مەن بەلگىسىز قارۋلى ادامدار اراسىنداعى اتىس كەزىندە 17 ادام قازا تاپتى، ونىڭ ىشىندە بالالار دا بار. بۇل تۋرالى "ادىرنا" ۇلتتىق پورتالى Ettela’at-e Rooz گازەتىنە سىلتەمە جاساپ حابارلايدى.
دەنساۋلىق ساقتاۋ وكىلى گازەتكە ولتىرىلگەندەردىڭ ىشىندە جەتى بالا، ءۇش ايەل جانە جەتى ەر ادام بولعانىن ايتقان. الايدا گەراتتاعى تاليبان پوليتسيا ءبولىمى تەنت-بريدج اۋدانىنداعى قاقتىعىستا ءتورت ادام مەرت بولعانىن ايتتى.
- ولار تۇرعىن ۇيدەن شىعارىلۋ كەزىندە اتىس باستاعانى ءۇشىن ءولتىرىلدى، - دەيدى پوليتسيادا.
ايتا كەتەيىك، اتىس 3 ساعاتقا سوزىلعان. قازا تاپقانداردىڭ دەنەسى گەرات اۋداندىق اۋرۋحاناسىنا جەتكىزىلگەن. ولاردىڭ جەكە باسى ءالى انىقتالماي وتىر.
"ادىرنا" ۇلتتىق پورتالى
