اقش پرەزيدەنتى دجو بايدەن اۋعانستانداعى اقش اسكەرلەرى كەزىندە اقش-قا جۇمىس ىستەگەن اۋعاندىقتار مەن وزدەرىنىڭ ەلشىلىكتەگى ازاماتتارىن تولىق ەۆاكۋاتسيالانعانشا اۋعان جەرىندە بولاتىنىن مالىمدەدى.
قازىر تاليبان رەسمي بيلىككە وتىردى. شىنى كەرەك، اۋعانستان حالقى دا، بيلىگى دە تابيباننىڭ الدىندا قاۋقارسىز كۇيدە قالدى. 20 جىل بويى قاقتىعىسقا تۇسكەن تاليباننىڭ بىرلىگى مىقتى ەمەس دەپ ايتا المايسىڭ.
قازىر ناتو-نىڭ قۇرامىنداعى كانادا، ۇلىبريتانيا سياقتى ەلدەر اۋعاندىق بوسقىنداردى مىڭداپ قابىلداۋعا شەشىم جاسادى. بىراق ازىرگە رەيستەردىڭ تاسىمالى باستالعان جوق.
اق ۇيدەن رەسمي مالىمدەمە جاساعان بايدەن "اۋعان حالقىنىڭ تاليبان جاساقتارىمەن سوعىسۋعا ىقىلاسى بولمادى، سوڭىنا دەيىن كۇرەسە المادى. ءبىز ولارعا قولدان كەلگەن كومەكتىڭ بارلىعىن دا جاسادىق" دەدى.
اقش 20 جىل بويى اۋعانستاندا تاليبان قوزعالىسىنا قارسى سوعىستا اۋعاندىقتارعا كومەك ءۇشىن 80 ميلليارد دوللاردان استام قاراجات شىعىنداعان. بىراق، دجو بايدەننىڭ ايتۋىنشا، اۋعاندىقتار اقش-تىڭ ءۇمىتىن اقتامادى. اق ءۇي مۇنىڭ باستى سەبەبىن اۋعان بيلىگىندەگى تامىرلاپ كەتكەن جەمقورلىقپەن تىكەلەي بايلانىستىردى.
بەكبولات قارجان،
"ادىرنا" ۇلتتىق پورتالى
