اقش پرەزيدەنتى دجو بايدەننىڭ تايۆان قىتايدىڭ شابۋىلىنا ۇشىراعان جاعدايدا ۆاشينگتون ونى قورعايتىنىن ايتتى دەپ حابارلايدى "ادىرنا" ۇلتتىق پورتالى.
"امەريكا داۋىسىنىڭ" مالىمەتىنشە، CNN تەلەارناسىنىڭ بالتيموردا ۇيىمداستىرعان كەزدەسۋىندە بايدەنگە: "قىتاي تايۆانعا شابۋىلداسا، اقش نە ىستەيدى؟" دەگەن ساۋال قويىلعان.
اتالعان ساۋالعا اقش پرەزيدەنتى: "اقش تايۆاندى قورعاۋعا مىندەتتى", - دەپ جاۋاپ بەردى.
سوڭعى بىرنەشە اپتادا پەكين ونداعان اسكەري ۇشاقتى تايۆاننىڭ اۋە قورعانىسى انىقتاي الاتىن ايماعىنا ۇشىردى. قىتاي باسشىسى سي تسزينپين قىتاي مەن تايۆان "تۇبىندە قوسىلادى" دەپ مالىمدەگەن.
"ادىرنا" ۇلتتىق پورتالى.
