پاۆلودار وبلىسىنىڭ تۇرعىنى عاشىعىن قىزعانىشتان ءولتىردى، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
– ماۋسىم ايىندا ۋسپەن اۋداندىق پوليتسياسىنا اۋىل تۇرعىنى حابارلاستى. ەر ادام قورىققان داۋىسپەن ءۇيىنىڭ اۋلاسىندا 28 جاستاعى جەرگىلىكتى تۇرعىننىڭ ءولىمى بولعانىن ايتتى. كەلگەن پوليتسيا قىزمەتكەرلەرى كۋاگەرلەردى تەكسەرىپ، وقيعا ورنىنا مۇقيات تەكسەرۋ جۇرگىزدى. بۇل ءىستى تەرگەۋ پوليتسيا ءبولىمى باستىعىنىڭ ورىنباسارى اسقار ارالباەۆقا، سونداي-اق اعا تەرگەۋشى ماقسات دۇيسەمباەۆقا تاپسىرىلدى، – دەپ حابارلادى پاۆلودار وبلىسى پوليتسيا دەپارتامەنتىنىڭ ءباسپاسوز قىزمەتى.
بارلىق جاعدايدى زەرتتەۋ، سونداي-اق كۋاگەرلەرمەن سۇحباتتاسۋ كەزىندە پوليتسيا ولتىرىلگەن ادامنىڭ ۋسپەنكا اۋىلىنىڭ 61 جاستاعى تۇرعىنىمەن ءبىراز ۋاقىت قارىم-قاتىناستا بولعانىن انىقتادى.
بىراق ەر ادامنىڭ ۇنەمى جانجالدارى مەن شابۋىلدارىنىڭ سالدارىنان بىرگە ءومىر سۇرمە المادى. سوندىقتان قىز سۇيىكتىسىنەن كەتۋدى شەشكەن. الايدا قىزدىڭ بارار جەرى بولماعاندىقتان، ول تانىسىنىڭ ۇيىندە ۋاقىتشا تۇرعان. كوپ ۇزاماي پاۆلوداردان ءۇي يەسىنە دوسى قوناققا كەلەدى. وسىلايشا، قالادان كەلگەن قوناق پەن قىزدىڭ اراسىندا سەزىم پايدا بولىپ، ولار قالاعا بىرگە ورالۋدى شەشتى. بىراق بۇل رومانتيكالىق وقيعا بارىنە ۇناعان جوق. بۇرىنعى سۇيىكتىسىنىڭ جاڭا قارىم-قاتىناسقا ءتۇسىپ، اۋىلدان قالاعا كەتىپ جاتقانىن بىلگەن 61 جاستاعى اۋىل تۇرعىنى اشۋعا بەرىلدى. شامادان تىس ىشىمدىك ىشكەننەن كەيىن پىشاق الىپ، قىز ۋاقىتشا تۇراتىن ۇيگە بەت العان.
«ەر ادام ونىمەن سويلەسۋگە تىرىسىپ، قايتا ورالۋعا كوندىرمەك بولعان. بىراق ەشقانداي سىلتاۋلار مەن سەندىرۋلەر قىزعا اسەر ەتپەگەن. سودان كەيىن ەر ادام قالتاسىنان پىشاقتى الىپ، بۇرىنعى سۇيىكتىسىنىڭ كەۋدەسىنە سۇعىپ العان»،– دەپ اتاپ ءوتتى قىزمەتكەرلەر.
ەر ادام وسى قىلمىستى جاساعانى 12 جىلعا باس بوستاندىعىنان ايىرىلدى.
«ادىرنا» ۇلتتىق پورتالى
