Pavlodar oblysynyń turǵyny ǵashyǵyn qyzǵanyshtan óltirdi, dep habarlaıdy «Adyrna» tilshisi Polisia.kz-ke silteme jasap.
– Maýsym aıynda Ýspen aýdandyq polıııasyna aýyl turǵyny habarlasty. Er adam qoryqqan daýyspen úıiniń aýlasynda 28 jastaǵy jergilikti turǵynnyń ólimi bolǵanyn aıtty. Kelgen polıııa qyzmetkerleri kýágerlerdi tekserip, oqıǵa ornyna muqııat tekserý júrgizdi. Bul isti tergeý polıııa bólimi bastyǵynyń orynbasary Asqar Aralbaevqa, sondaı-aq aǵa tergeýshi Maqsat Dúısembaevqa tapsyryldy, – dep habarlady Pavlodar oblysy Polıııa departamentiniń baspasóz qyzmeti.
Barlyq jaǵdaıdy zertteý, sondaı-aq kýágerlermen suhbattasý kezinde polıııa óltirilgen adamnyń Ýspenka aýylynyń 61 jastaǵy turǵynymen biraz ýaqyt qarym-qatynasta bolǵanyn anyqtady.
Biraq er adamnyń únemi janjaldary men shabýyldarynyń saldarynan birge ómir súrme almady. Sondyqtan qyz súıiktisinen ketýdi sheshken. Alaıda qyzdyń barar jeri bolmaǵandyqtan, ol tanysynyń úıinde ýaqytsha turǵan. Kóp uzamaı Pavlodardan úı ıesine dosy qonaqqa keledi. Osylaısha, qaladan kelgen qonaq pen qyzdyń arasynda sezim paıda bolyp, olar qalaǵa birge oralýdy sheshti. Biraq bul romantıkalyq oqıǵa bárine unaǵan joq. Burynǵy súıiktisiniń jańa qarym-qatynasqa túsip, aýyldan qalaǵa ketip jatqanyn bilgen 61 jastaǵy aýyl turǵyny ashýǵa berildi. Shamadan tys ishimdik ishkennen keıin pyshaq alyp, qyz ýaqytsha turatyn úıge bet alǵan.
«Er adam onymen sóılesýge tyrysyp, qaıta oralýǵa kóndirmek bolǵan. Biraq eshqandaı syltaýlar men sendirýler qyzǵa áser etpegen. Sodan keıin er adam qaltasynan pyshaqty alyp, burynǵy súıiktisiniń keýdesine suǵyp alǵan»,– dep atap ótti qyzmetkerler.
Er adam osy qylmysty jasaǵany 12 jylǵa bas bostandyǵynan aıyryldy.
«Adyrna» ulttyq portaly
