تورەگەلدى شارمانوۆ: شىنايى مادەنيەت بازاردىڭ باعاسىنا باعىندىرىلىپ ءبىتتى

806

بۇگىندە شىنايى مادەنيەت بازاردىڭ باعاسىنا باعىندىرىلىپ ءبىتتى. مادەنيەت تۋرالى ۇعىمنىڭ ءوزى شاتىسىپ-بىتىسىپ كەتتى. باسشىنىڭ باعىنىشتىلارىنا باقىرۋى، جەكىرۋى، ءتىپتى بالاعاتتاۋى قازىر ءجيى كەزدەسەدى. بوقتاپ سويلەمەسە ايىزى قانبايتىندار دا از ەمەس. «ار-نامىس»، «قادىر-قاسيەت» دەگەندەر رۋح بيىكتىگىنىڭ ولشەمىمەن سوت، ارىز-شاعىمنىڭ تۇراقتى ءسوز تىركەستەرىنە اۋىسىپ بارادى. جالپى، ايقايلاۋ – السىزدىكتىڭ بەلگىسى. ايقايلاۋ ارقىلى ادام الدىمەن ءوزىن قورلايتىنىن ءتۇسىنۋى كەرەك. مەنىڭ ۇستازىم باقيا اتشاباروۆتىڭ ەڭ قاتتى اشۋلانعاندا ايتاتىن ءسوزى «ەتو جە نە كراسيۆو» دەۋ بولاتىن.

نەگىزىندە قازاقتار جۇمساق سويلەگەن. قازاقتاردىڭ جۇرەگى كەڭ. اتا-بابالارىمىزدىڭ ءومىر-سالتى ءبىزدى تەحنيكالىق ەمەس، گۋمانيتاريالىق ينتەللەكتىگە بەيىمدەدى. ۇشى-قيىرى جوق دالانىڭ ءوزى ءبىزدى كەڭدىككە شاقىرىپ تۇردى.

پىكىرلەر
رەداكتسيا تاڭداۋى